مرید باقر انصاری

مرید باقر انصاری سرائیکی زبان دا شاعر ہے۔ میانوالی نال تعلق ہے۔

نمونہ کلام

غزل

پیدا پیار اِنج میݙے دِل دے اَندر کر ݙے

تھَل کنوں وَل توں میکوں تار سَمندر کر ݙے

میتوں مالِک تھیندی ݙھیر عبادت کینی

مین چاہندیں تاں اپڑیں آپ قَلندر کر ݙے

جیندے دِل دے وچ احساس انساناں دا ہے

اُوں انساں کوں دھرتی کاݨ سکَندر کر ݙے

وت ہک وار قانون پُراݨاں رائج کر چا

جیڑا جھُوٹا ہووے اونکوں بَندر کرݙے

یا تُوں مولٰی علی نُوں بھیج وَلا دُنیا ت

یا وَت عِلم دا پیدا آپ سَمندر کر ݙے

یا بھگوان دی پوجا تُوں نہ روک اے ملاں

یا وت اپڑیں مَسجد کوں وی مَندر کر ݙے

باقرؔ تیݙے کیتے جَنّت سِکدی پئ اے

ہِک واری تاں پاک توں اپڑاں اَندر کر ݙے

غزل

اساں حق دا عَلَم چاتی کھڑے ہیں

فقیری ویس جو پاتی کھڑے ہیں

صِلہ ساکُوں مِلا ہے دوستی دا

جَھلی سینے دے وِچ کاتی کھڑے ہیں

ستمگر ہے مُنافق ہے زمانہ ""*

اساں ہر شخص کُوں جاتی کھڑے ہیں

کُوہی معصُوم گئے پر اے نہ بولی

ڈِٹھی دُنیا گُنگی باتی کھڑے ہیں

اساں خُود کُوں کڈنڑ دا مار چھوڑائے

فقط مِٹی دا بُت چاتی کھڑے ہیں

کسے مجنُوں دے وانگوں جنگلاں وِچ

اساں مُدتیں دے صدماتی کھڑے ہیں

نِسے لگدے سُکھاں دے کُجھ وی باقرؔ

ڈُکھاں دی جَنج تے باراتی کھڑے ہیں

مُـــــــــــرید بـــــــــــاقرؔ انصــــــــــاری

غزل

چولا ہے لیر و لیر نئیں ڈسدا

کینوں جگ تے فقیر نئیں ڈسدا

ڈیوے امداد کر غریباں دی

بندہ انج باضمیر نئیں ڈسدا

چلو بابا جو ٹُر گیا خیر ہائ

بھینڑ کوں ہنڑ تاں ویر نئیں ڈسدا

چٹے کپڑاں نوں ہن سلام اج کل

بندہ کینوں حقیر نئیں ڈسدا

ڈنگ دی روٹی غریب کوں ڈیوے

کوئ اینجھا امیر نئیں ڈسدا

ٹُر محبت تاں اج وی سگدی ہے

پر کوئ ہنڑ سفیر نئیں ڈسدا

جیڑا چکی تے آوے کیوں پچھداۓ

اج تاں ڈاڈا بشیر نئیں ڈسدا

جگ تے شاعر تاں ڈھیر ڈسدے ہن

کوئ غالب یا میر نئیں ڈسدا

باقرؔ اج وی حُسین زِندہ ہے

کِتھے غَمِ شبیر نئیں ڈسدا

مُــــــــــــــــرید بــــــــــــــــاقرؔ انصــــــــــــــــاری

غزل

سرائیکی غزل احباب کی نظر

ایجھا ظالم سماج ڈسدا پۓ

بندہ بندہ متھاج ڈسدا پۓ

ظلم عام ایں تے حق پرستی دا

ختم تھیندا رواج ڈسدا پۓ

وت غریباں دا خون پی ویسن

وت امیراں کوں راج ڈسدا پۓ

ڈیوڑاں خس وی نئیں غریباں کوں

بھانویں گلدا اناج ڈسدا پۓ

کیویں روٹی میں پوری کر سگساں

سر تے بھینڑیں دا ڈاج ڈسدا پۓ

کیں وی امداد آ کے نئیں کرڑیں

میڈا ڈھاندا گراج ڈسدا پۓ

لوک سولی تے چاڑن آلے ہن

میکوں ہنڑ تیڈے باج ڈسدا پۓ

کوئ باقرؔ سہارا نئیں ڈیندا

اُنج تاں ہر کین مُتھاج ڈسدا پۓ

مُــــــــــــــــرید بــــــــــــــــاقرؔ انصــــــــــــــــاری

.