مریخ تے پاݨی دا وجود

دور حاضر اچ اگرچہ مریخ تے پاݨی دی تھوڑی جیہی مقدار کرۂ فضائی اچ بطور آبی بخارات موجود ہے تاہم اتھاں زیادہ تر پاݨی صرف برف دی صورت اچ پایا ویندے۔ جبکہ کݙہیں کݙہیں تھوڑے جیہے نمکین پاݨی دی مقدار مریخ دی مٹی اچ گھٹ گہرائی اچ وی پاتی ویندی ہے۔ اوہ واحد جگہ جتھاں پاݨی دی برف سطح تے نظر آ سڳدی ہے اوہ شمالی قطبی برفیلی ٹوپی ہے۔ پاݨی دی برف دی فراواں مقدار مریخ دے جنوبی قطب تے سدا بہار کاربن ڈائی آکسائڈ دی برفیلی ٹوپی دے تلے تے معتدل عرض البلد وچ سطح زمین توں قریب موجود ہے۔ پنجاہ لکھ مکعب کلومیٹر توں زیادہ برف دا سراغ مریخ دی سطح تے یا اوندے قریب لایا ونڄ چکا ہے۔ ایہ مقدار ایں قدر ہے کہ پورے سیارے دی سطح کوں 35 میٹر دی گہرائی اچ ݙٻو سڳدی ہے۔ بلکہ سطح توں تلے تے گہرائی اچ مزید برف دی موجودگی دا امکان ہے۔