مراٹھی زبان

بھارت دے صوبے مہاراشٹر وچ ٻولیجݨ والی سب توں وݙی زبان جینکوں حکومتِ مہاراشٹر تے گوا دی سرکاری زبان دی حیثیت حاصل ہے۔ زبان خاندان دے رو نال مراٹھی ہند-آریائی زباناں نال تعلق رکھدی ہے۔ تقریباً 1300 سال قدیم ایہ زبان ہندی دی طرح سنسکرت نال مشتق تھئی، بعد ازاں عربی، فارسی تے اردو دے الفاظ داخل تھیندے ڳئے، جیندی وجہ توں اڄ وی مراٹھی وچ انہاں زباناں دے اثرات نظر آندن۔ مراٹھی ٻولݨ والے افراد دی تعداد تقریباً ہک کروڑ ہے۔ ایں لحاظ نال مراٹھی بھارت دی چوتھی تے دنیا دی 15ویں سب توں زیادہ ٻولیجݨ والی زبان ہے۔ ورہاڑی، کوکنی، اہیرانی، خاندیشی وغیرہ مراٹھی زبان دے مشہور لہجے ہن۔