مراد سوم

سلطان مراد سوم Sultan Murad III
ڄم پل:	4 جولا‎ئی 1546ء
وفات:	16 جنوری 1595ء (49 سال)
دور خلافت :	1574ء – 1595ء

مراد سوم (عثمانی ترکی: مراد ثالث Murād-i sālis, ترکی:III.Murat) (پیدائش: 4 جولائی 1546ء، وفات: 15 جنوری 1595ء) 1574ء توں اپݨی وفات تک سلطنت عثمانیہ دا حکمران رہیا۔ مراد سوم ہک کمزور، عیش پرست و جاہ پسند حکمران ہئی جیہڑا حرم دے زیر اثر ہئی جتھاں پہلے اوندی والدہ نور بانو سلطان تے ول اوندی پسندیدہ ذال صفیہ سلطان دا زور چلدا ہئی۔ اوندے دور اچ امور سلطنت چلاوݨ اچ اہم کردار معروف عثمانی صدر اعظم محمد صوقوللی پاشا دا ہئی جیہڑا اکتوبر 1579ء اچ اپنے قتل تک اوں عہدے تے فائز رہیا تے عثمانی سلاطین دی کمزوری دا اثر سلطنت تے نہ پوݨ ݙتا۔ مراد سوم دے دور اچ ایران تے آسٹریا دے نال کئی جنگاں لڑے ڳئے۔ اوندا دور عثمانی معیشت تے اداریاں دی تنزلی دا دورِ آغاز ہئی۔