مدینہ ظفر

مدینہ ظفر
شخصی معلومات
پیدائش	10 اگست 1998ء (27 سال)  گوجرانوالہ
رہائش	کراچی
شہریت	پاکستان
قد	158 سینٹی میٹر
وزن	56 کلوگرام
بھیݨ / بِھرا	فائزہ ظفر
عملی حیاتی
سبکدوش؟	فعال
پیشہ	اسکواش کھلاڑی
کھیݙ	اسکوائش
اعلیٰ ترین درجہ	76
تمغے زنانیاں اسکواش نمائندگی پاکستان جنوب ایشیائی کھیل 2019ء نیپال ٹیم 2019ء نیپال سنگل

مدینہ ظفر (اردو: مدینہ ظفر؛ جنم: 10 اگست 1998ء) ہک پاکستانی زنانی اسکواش کھلاڑی ہِن ۔ جنوری 2019ء وچ پی ایس اے دی عالمی اسکواش درجہ بندی وچ اوہ 76ویں درجے تے ہَن، جیڑھا انّھاں دی ہݨ تک دی سبھ توں وݙی درجہ بندی ہئی۔ جݙاں جو نومبر 2020ء دے مطابق انّھاں دی درجہ بندی 120 ہے۔ انّھاں دی وݙی بھیݨ فائزہ ظفر وی اسکواش دی ساتھی کھلاڑی ہِن جیڑھیاں بین الاقوامی سطح تے پاکستان کِیتے کھیݙدی ہِن۔

کھیݙ

مدینہ ظفر تے فائزہ ظفر دے ہک مشترکہ انٹرویو وچ انّھاں ݙوہیں بھیݨاں دا آکھݨا ہئی جو انّھاں نے بچپن توں ہی اسکواش شروع کر ݙتی ہئی، اِیں دی وجہ جہانگیر خان ہَن، جیڑھے نال ہک ملاقات دے بعد مدینہ ظفر دے والد نے اپݨیاں دھیئاں کوں اسکواش دی طرف مائل کِیتا۔ مدینہ ظفر کوں اپݨی بھیݨ دے ہمراہ 2018ء دولت مشترکہ کھیلاں وچ پاکستان دی نمائندگی کِیتے منتخب کِیتا ڳیا ہئی جِتھاں انّھاں ݙوہیں نے دولت مشترکہ کھیلاں وچ پہلی واری حصہ گِھدّا ہئی ۔ مدینہ دی شراکت وچ فائزہ ظفر نے زنانیاں ڈبل مقابلے وچ 2018ء دولت مشترکہ کھیلاں وچ حصہ گِھدّا تے گروپ مرحلے وچ ہی باہر تھی ڳئیں۔

مدینہ ظفر نے 2018ء پی ایس اے عالمی دورے دے حصے پی ایس ایف پاکستان اسکواش سرکٹ دے فائنل وچ اپݨی بھیݨ فائزہ ظفر کوں ہرا ݙِتّا۔

2019ء وچ نیپال وچ جنوبی ایشیائی کھیلاں وچ اسکواش دے ویمن سنگل وچ بھارت دی کھلاڑی توں سیمی فائنل وچ ہار کر کانسی دا تے زنانیاں ٹیم مقابلیاں وچ بھارت دی ٹیم توں فائنل وچ ہار کر چاندی دا تمغہ جِتیا۔

مدینہ ظفر اِیں وقت پاکستان دی اپݨی اسکواش درجہ بندی وچ 15ویں درجے تے ہِن، جݙاں جو اِیہ پاکستان فوج دے ہک معاہدے دے تحت، فوج دی اسکواش ٹیم دا حصہ ہِن۔ تے ملکی سطح تے تھیوݨ والے اسکواش مقابلیاں وچ فوجی ٹیم دی نمائندگی کریندی ہِن۔

انّھاں دی ٻیاں بھیݨاں وچ، وݙی بھیݨ پاکستان قومی کرکٹ ٹیم وچ تے چھوٹی بھیݨ وی اسکواش کھیݙدی ہے۔

شماریات

تاریخ	مخالف	جیت /ہار	موقع	ملک	راؤنڈ	اسکور
دسمبر 2019	سبرینہ سوبے	ہار	پاکستان انٹرنیشنل چمپئین شپ	پاکستان	راؤنڈ2	9-11, 4-11, 1-11 (20 m)
دسمبر 2019	نور الہدی	جیت	پاکستان انٹرنیشنل چمپئین شپ	پاکستان	راؤنڈ1	11-4, 7-11, 11-2, 11-6 (26 m)
دسمبر 2019	سانیا واٹز	جیت	جنوب ایشیائی کھیل ٹیم چمپئین شپ	نیپال	-	11-9, 13-11, 11-7
دسمبر 2019	تنوی کھنہ	ہار	جنوب ایشیائی کھیل	نیپال	سیمی فائنل	10-12, 6-11, 7-11
دسمبر 2019	میہالیہ میتسرانی	جیت	جنوب ایشیائی کھیل	نیپال	راؤنڈ1	11-3, 12-10, 11-9
اگست 2019	ماریہ تورپیکئی وزیر	ہار	پاکستان سرکٹ #1	پاکستان	راؤنڈ2	7-11, 11-9, 4-11, 10-12 (32 m)
اپریل 2019	جے ین لی	ہار	پاکستان انٹرنیشنل چمپئین شپ	پاکستان	کوائٹر فائنل	12-10, 7-11, 3-11, 6-11 (26 m)
اپریل 2019	رشنا محبوب	جیت	پاکستان انٹرنیشنل چمپئین شپ	پاکستان	راؤنڈ2	5-11, 10-12, 11-3, 11-6, 11-4 (30 m)
مارچ 2019	ایلائز لازارس	ہار	نادرن اوپن	انگلینڈ	راؤنڈ2	7-11, 6-11, 11-13 (27 m)