مدرسہ رحیمیہ
| Type | اسلامی الہیات کے مکاتب فکر |
|---|---|
| Established | 1718ء |
| Affiliation | سلسلہ نقشبندیہ، حنفی |
| Location | , |
مدرسہ رحیمیہ دہلی وچ واقع ہک تاریخی دینی ادارہ ہے جیہڑا شاہ ولی اللہ دے والد شاہ عبد الرحیم دہلوی نے مغلیہ سلطنت دے دور وچ بݨایا ہئی۔ ایں ادارے برصغیر وچ اسلامی علوم دی ترویج، دینی اصلاحات تے احیائے دین وچ مرکزی کردار ادا کیتا۔ اورنگزیب عالمگیر دے دور وچ 1700ء دے نیڑے بݨݨ والے ایں مدرسے دا مقصد اسلامی علوم دا ودھارا تے قرآن و سنت دی تعلیم ݙیوݨ ہئی۔ شاہ ولی اللہ نے ایں مدرسے کوں برصغیر وچ اسلامی تعلیمات تے اصلاحات دا مرکز بݨایا۔ انہاں قرآن مجید دا فارسی ترجمہ کیتا تے اسلامی فلسفہ و اجتہاد تے زور ݙتا۔ انہاں دی مشہور کتاباں "حجۃ اللہ البالغہ" تے "الفوز الکبیر" ہن۔ انہاں دے بعد انہاں دے پتر شاہ عبد العزیز دہلوی تے ٻئے بھراواں نے وی مدرسے دی ذمہ داری سنبھالی تے علم حدیث دے ودھارے وچ اہم کردار ادا کیتا۔ مدرسہ رحیمیہ ولی اللہی تحریک دا مرکز بݨیا جینے برصغیر وچ اسلامی احیاء تے اصلاح وچ اہم کردار ادا کیتا۔ 1857ء دی جنگ آزادی دے بعد برطانوی حکومت نے ایں مدرسے کوں تباہ کر ݙتا، لیکن ایندے فارغ التحصیل طلباء تے اساتذہ نے ولی اللہی فکر کوں جاری رکھیا۔ اڄ وی اے مدرسہ اسلامی تعلیم و تربیت دے ہک تاریخی نشان دے طور تے ڄاݨیا ویندے۔[١][٢]