مدد:ماڈیول

وکیپیڈیا تے ماڈیول اوہ صفحے ہوندن جنہاں اچ وکیپیڈیا دے کم دے حوالے نال کجھ کوڈ محفوظ ہوندن۔ مثال دے طور تے ماڈیول:حوالہ اچ اوہ سارے کوڈ موجود ہوندن جیہڑے حوالہ جات کوں استعمال کرݨ یا انہاں کوں شامل کرݨ دے حوالے نال ضروری ہوندن۔ کہیں ہک کم کیتے ہک توں زیادہ ماڈیولز یا کہیں ہک ماڈیول دے کئی ذیلی صفحے تھی سڳدن۔ عام طور تے انگریزی وکیپیڈیا تے سبھ توں زیادہ ماڈیولز موجود ہوندن تاہم مختلف زباناں دے وکیپیڈیا دے استعمال کرݨ آلے اگر تیکنیکی معلومات رکھدے ہوون یا وکیپیڈیا:لوا دے بارے اچ ڄاݨدے ہوون تاں او وی ٻہوں سارے کماں کیتے ماڈیول ترتیب ݙے سڳدن۔ اوہ استعمال کرݨ آلے جیہڑے تیکنیکی طور تے ماہر کائنی او فی الحال انگریزی وکیپیڈیا توں ماڈیول کاپی کر تے اپݨی زبان دے وکیپیڈیا تے منتقل کر سڳدن۔ ایں منتقلی دے دوران کوڈ کوں ݙیکھدے ہوئے انہاں اچ او تبدیلیاں کیتیاں ونڄ سڳدن جنہاں کیتے زیادہ تیکنیکی معلومات دی لوڑھ نہ ہووے جیویں Category کوں ونکی نال بدل ݙتا ونڄے۔ جیندے ناں دا ماڈیول بݨاوݨا ہووے، انگریزی وکیپیڈیا توں اوہو ناں کاپی کر تے سرائیکی وکیپیڈیا دی سرچ بار اچ پیسٹ کر ݙیوو۔ اگلے صفحے تے سرخ ربط تے کلک کر تے نواں صفحہ کھول گھنو اتے انگریزی وکیپیڈیا توں ماڈیول دا سارا کوڈ کاپی کر تے سرائیکی اچ پیسٹ کر ݙیوو۔ ایندے بعد انگریزی اتے سرائیکی ماڈیول کوں انٹرلنک وی کر ݙیوو جیویں عام صفحات کوں ݙوجھے وکیپیڈیا نال لنک کیتا ویندے۔ وکیپیڈیا کیتے ضروری ماڈیولز کیہڑے ہوندن، ایندا پتا لاوݨ اوکھا کائنی۔ عام طور تے مختلف صفحات ݙیکھدے ہوئے سرخ رنگ اچ ایرر ظاہر تھیندے جیندے تے کلک کرݨ نال پتا لڳدے جو ایں وکیپیڈیا تے ایہ ماڈیول موجود کائنی۔ ایہے ناں کوں کاپی کر تے مختلف وکیز جیویں انگریزی تے سرچ کر تے ایں ماڈیول کوں ݙیکھیا ونج سڳدے اتے ول سرائیکی تے کاپی کیتا ونڄ سڳدے۔