مخدوم نور محمد ہاشمی
سئیں مخدوم نور محمد ہاشمی 16فروری 1937ء کوں پیدا تھئے۔ آپ دا پاکستان دی سیاست ءِ چ ٻہوں وݙا مقام ہے ۔انہاں ساری زندگی اصولی سیاست کیتی تے پاکستانی سیاست ءِ چ ٻہوں وݙا مقام پیدا کیتا۔ آپ دی سُنڄاݨ شرافت ، دیانت تے خدمت ہے ۔ آپ 1970ء دے الیکشن اِچ رحیم یارخان تو ں قومی اسمبلی دے ممبر بݨیئے تے اسمبلی دے وچ وسیب دے حقوق دی گاٖل کیتی ،آپ دا سارا گھراݨہ اپݨی دھرتی ، اپݨی مٹی تے اپݨے وسیب نال محبت کریندے ۔ سئیں مخدوم نور محمد ہاشمی دے بھرا سئیں مخدوم مظفر حسین ہاشمی ، سئیں مخدوم مشرف حسین ہاشمی ، سئیں مخدوم اطہر حسین ہاشمی ،سئیں مخدوم عماد الدین ہاشمی تے سئیں مخدوم محمد ادریس ہاشمی وسیب واسطے ٻہوں خدمات ہِن ۔سئیں مخدوم نور محمد ہاشمی دے صاحبزادگان سئیں مخدوم صفی الدین ہاشمی ، سئیں مخدوم معین الدین علی ہاشمی ، سئیں مخدوم عدیل الرحمن ہاشمی ، سئیں مخدوم صہیب حسن ہاشمی وسیب نال محبت کرݨ آلے ہِن ، سئیں مخدوم نور محمد ہاشمی تے آپ دے بزرگ سئیں میاں نظام الدین حیدر 1973ء دے آئین تے اے آکھ تے دستخط نہ کیتے جو اساں صوبے دے ناں تے ووٹ گھدن تے اساں اوں آئین تے دستخط نہ کریسوں جیندے وچ اساݙاصوبہ نہ ہووے۔انکار دے جرم ءِ چ مخدوم صاحب دے خلاف انتقامی کارروائیاں تھیاں پر آپ پرواہ نہ کیتی۔آپ دا وصال 17دسمبر2009ء کوں تھیا ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء