مخدوم عمادالدین ہاشمی آف میانوالی قریشیاں

مخدوم عمادالدین قریشی ہاشمی میانوالی قریشیاں دے مخدوم خاندان دے چشم و چراغ ہن ۔ آپ ایم اے ہسٹری ہِن، ترائے مرتبہ آپ ممبر قومی اسمبلی رہ چکن،ہݨ وی سیاست اِچ  اعلیٰ تے ارفع مقام رکھیندے ہِن ۔ خدمت خلق دا اے عالم ہے کوئی وی بندہ دَر تے اَمدا ہے جیڑھا کجھ منگدا ہے ،خالی ہتھ کائنی ویندا ۔ آپ نہایت اِی ملنسار تے خوش مزاج ہِن۔ آپ دا علاقے دے تعمیر و ترقی اِچ ایک اہم کردار ہے ۔ آپ چاچڑاں شریف دے تاریخی قصبے چاچڑاں شریف کوں دریائے سندھ دے کٹائو توں بچاوݨ کیلئے ترائے سپر بند منظور کرائے ، سپر بنداں دی وجہ نال اَڄ تاریخی قصبہ چاچڑاں شریف موجود ہے تے لوک سُکھ چین دی زندگی گزریندے پئے ہن ۔ آپ وسیب دے لوکاںدے ہر ݙکھ سُکھ اِچ بذاتِ خود شرکت فرمیندے ہِن ۔ آپ اپݨے بزرگاں دی تعلیمات کوں عام کرݨ کیتے کتاباں’’تحفۃ الذاکرین تے بزرگانِ سہرورد‘‘چھپوا تے لوکاں اِچ تقسیم کریندے پئے ہن۔کتاباں دی اشاعت ٻہوں وݙا کارنامہ ہے ۔ وسیب دے ہر مخدوم تے ساوے سوکھے تے دولت مند لوکاں کوں مخدوم عمادالدین سئیں دی تقلید کرݨی چہیدی ءِ ۔ (حافظ قادر بخش میتلا)

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء