مخدوم عبد الرشید قریشی

اصل ناں:	عبد الرشید
ابّا سئیں دا ناں:	شیخ احمد غوث
مرشد دا ناں:	سید علی ہمدانی
مزار شریف:	مخدوم رشید۔

آپ سئیں شیخ الاسلام بہاء الدین زکریاؒ دے پِتریر (چاچے دے پُتر) ہَن اَتے شیخ احمد غوثؒ دے پُتر ہَن۔

ابتدائی حیاتی

سئیں شیخ الاسلام بہاء الدین زکریاؒ دے پِتریر اَتے شیخ احمد غوث دے پُتر ہَن۔ سید علی ہمدانی کنوں فیضان حاصل کِیتا اَتے ملتان دے مشرق کَن اَباد تَھئے۔

ذاتی حیاتی

مخدوم عبد الرشید دے چار حَرم ہَن۔

1. ہِک بی بی شیخ الاسلام بہاء الدین زکریاؒ دی بھیݨ ہَن۔
2. ݙُوجھی تُغلق دی دِھی ہَن۔
3. تِرِیجھی بی بی رائے مونا قوم کھچّی دی دِھی ہَن۔
4. چوتھی بی بی مڑلاں وِچوں ہَئی۔

مخدوم رشید دی اَباد کاری

جہڑے دیہات وِچ سئیں نے ٹِکاݨاں کِیتا اُوہ سئیں ناں دی نسبت نال "مخدوم رشید" اَکھوِین٘دا ہِے۔ اِین٘دے وِچ شیخ الاسلام دی بھیݨ اَتے رائے مونا دی دِھی دی آل اَباد ہِے۔ مڑل بی بی کنوں کُئی اَولاد نہ ہَئی اَتے تُغلق بی بی کنوں مخدوم حسن ڄَمّے ہَن۔ صاحب منبع البرکات نے سئیں مخدوم اَتے انّھاں دی اولاد دا شجرہ اِیں طرح نال ݙِتّا ہِے:-

1. شیخ ابو بکر
   1. شیخ محمد غوث
      1. شیخ الاسلام بہاء الدین زکریاؒ
   2. شیخ احمد غوث
      1. مخدوم عبد الرشیدؒ
         1. مخدوم سلطان ابو بکر
            1. سلطان ایوب قتال
            2. مخدوم لعل حافظ
            3. مخدوم یعقوب
            4. مخدوم ہود
         2. مخدوم محمد سلطان
         3. مخدوم حسن
         4. مخدوم صدر الدین
            1. مخدوم رکن الدین
            2. مخدوم شمس الدین
      2. مخدوم عبد الرحمٰن
      3. مخدوم طاہرّ عرف بگّا شیر
      4. مخدوم شیخ ساون
      5. مخدوم موسیٰ نواب
      6. مخدوم راول دریا
      7. مخدوم شیخ فقیر علی عرف مُلٌاں فقیر

سئیں شیخ الاسلام بہاء الدین زکریآؒ کوں آپݨے بِھرا مخدوم عبد الرشید نال ݙاڈھا حُب ہَئی۔ ہِک واری سئیں پَتہ لڳیا جو بِھرا دے ڈِھݙ وِچ پِیڑ ہِے۔ سئیں خاص طور تے دوا دی ہِک پوڑی بھیڄی۔ مخدوم عبد الرشید نے فرمایا جو بِھرا دی دوا نال صرف میں فیدہ نِھیں چاوݨاں چاہن٘دا، اِیکوں کُھوہ وِچ سَٹ ݙیؤ تاں جو وَدھ کنوں وَدھ لوک اِین٘دے کنوں فَیدہ چا سڳِّن!
خُدام نے پُڑی کُھوہ وِچ سَٹ ݙِتّی۔ مخدوم عبد الرشید نے وی اُوں کُھوہ دا پاݨی منڳوا تے پِیا اَتے صِحت یاب تھئے، وَل لوکاں نے ڈِھݙ دی ہر ونکی دی بِماری کِیتے اُوں کُھوہ دا پاݨی پِیوݨ شروع کر ݙِتّا، اَتے جِہڑا پِین٘دا ہَئی اُوہ شفا یاب تھی وین٘دا۔ ہُݨ ١٩٧١ء ہِے، اِیں ویلے تئیں اِیں کُھوہ وِچ اُوہا تاثیر موجود ہِے اَتے خلقِ خُدا با قاعدہ فَیدہ چین٘دی رہن٘دی ہِے۔

ٻِیا ݙیکھو

• شیخ الاسلام بہاء الدین زکریاؒ ملتانی۔
• مخدوم رشیدـ
• سید علی ہمدانی۔

حوالے

۔