مخدوم شاہ محمود

آپ حضرت بہاء الدین زکریا ملتانی دے خانوادے نال تعلق رکھدے ہن۔ اتے سجادہ نشین ہن۔ آپ دا دور1800ء توں1869ء تئیں ہے۔ آپ قادر الکلام شاعر ہن۔ لیکن ہُݨ کلام نایاب ہے۔ آپ دا ہک مرثیہ ملدے۔ نمونہ:

مریندا ٻاݨ علمبردار ریہا

پاݨی آنݨ کاݨ تیار ریہا

جیں خیمے وچ احمد لاوے کچاری

جیندی کرݨ فرشتے چوب برداری

ݙینہ عشرے دے اُمت دی بے نرواری

سڑدا او خیمہ اطہار ریہا

توݨیں عابد ہا تپ توں تنگے

ضعف توں ہو ڳیا پیلا رنگے

بیمار تے کیتا ظم نسنگے

چِھکدا  شام  تئیں  او مہار  ریہا

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان