مخدوم احمد محمود

مخدوم احمد محمود (ڄمݨ دی تاریخ 12 ستمبر 1955) ہِک پاکستانی تاجر اتے سیاستدان ہِے۔ اِنہاں دا تعلق جمال دین والی تحصیل صادق آباد ضلع رحیم یار خان نال ہِے۔ او 1990 توں 1993 تائیں آئی جے آئی دے ٹکٹ تے، 1993 توں 1996 اتے 1996 توں 1999 تائیں مسلم لیگ (ن) دے ٹکٹ تے قومی اسمبلی دے ممبر چُݨے ڳئے۔ اِیں توں علاوہ او 1988 توں 1990 تائیں مسلم لیگ (ن) دے ٹکٹ تے اتے 2008 توں 2012 تائیں مسلم لیگ (ف) دے ٹکٹ تے پن٘جاب اسمبلی دے رکن وی بݨدے ریہے۔ او 2001 توں 2005 تائیں ضلع ناظم رحیم یار خان وی ریہے۔ 2012 دے چھیکڑ وچ او مسلم لیگ (ف) چھوڑ تے پاکستان پیپلز پارٹی وچ شامل تھی ڳئے، ایہ فیصلہ اُنہاں اُوں ویلھے دے صدر آصف علی زرداری دی مرضی نال کیتا۔ زرداری ہوراں اُنہاں کوں گورنر پن٘جاب بݨاوݨ دا اعلان کر ݙتا۔

گورنر بن٘جاب: 3 جنوری 2013 کوں اُنہاں 29 ویں گورنر پنجاب دی حیثیت نال حلف چاتا۔ 2013 دے عام انتخابات وچ مسلم لیگ (ن) دی کامیابی دے بعد اُنہاں 13 مئی 2013 کوں گورنر دے عہدے توں استعفیٰ ݙے ݙتا۔