مختیار لغاری

مختیار لغا ری سرائیکی زبان دا شاعر ہے۔

نمونہ کلام

ݙو ہڑے

تُوں جٖانڑدا ہئِیں جو وس تانڑی نمِی آہ کڈهدی نمی دهاں کڈهدی

دل جیکر ڈھیر بهریج ونجٖے کوئی گالھ ہاں موُنہو تاں کڈهدی

اےہاں دا درّدےبھن گهتدےتیڈٖےسامیں ڈُکھ نتاں ناں کڈهدی

مُختیار میکوں بٖیا کُجھ کائنی ایہا عید جیکر نئیں ہاں کڈهدی

مختیار لغاری صاحب

اسا ں خد مت کر نے لو ک ہسے سا ݙی نہ سہی یا ری پئے راہسو ں

تیݙی خان وسا خ تے ہر ویلھے ݙیسو ں رو ز بہا ری پئے راہسو ں

تیݙے ہر مہما ن دے پیر دھوا خو ش وقت گزاری پئے راہسو ں

تیݙے نوکر نا ل ضروری ہِن مختیار لغاری پئے راہسو ں

٭٭٭

میں آہدی رہی اسا ں نکھڑو ں  نہ او کر نر وار نکھڑ دا ڳئے

میں  وَل آکھے میں مر پو سا ں  مر آکھ تے یا ر نکھڑدا ڳئے

کݙی مو نجھیں دے ،کݙی نفر ت دے ݙے با ر تے با ر نکھڑدا ڳئے

مختیا ر میں ݙاݙھے پنج ہا رے ، او ہا سے کا ر نکھڑدا ڳئے

٭٭٭

ہا نال تا نازیں نال ہامی وݙی خو ش ہا می اوند ی منگ ہا می

نہ بخت بھنو ر وچ ہا میݙا نہ جی بت دی انویں جنگ ہا می

نہ رو رو رو ز میں اختی ہم نہ زند گی تو ں انویں تنگ ہا می

مختیا ر میں انت نکھڑا ہا تیݙی با نہہ نہ ہم تیݙی ونگ ہا می

٭٭٭

کجھ کھا ڳئے میہڑے خلقت دے ، کجھ خان دے جیہڑے کھا ڳئے ہِن

جیہڑے اُٹھدن رو ز اُشا وانگو ں میکوں در د او یڑے کھا ڳئے ہِن

او ندے ہو ندیں ہَن جیہڑے دو بہو ں او ݙکھ تھی نیڑے کھا ڳئے ہِن

گھن آسرا کند ھ دا ٹُر دی ہا ں  مختیار نکھیڑے کھا ڳئے ہِن

٭٭٭

تیڈی موُنجھ نہیں تاں کیاھے ڈس کیوں کھِیر فقیِرکوں اَک لگدے

کیوں ہُس نئیں ویندی سینے دی ، کیوں اَہڑ میکوں پوّہ تَک لگدے

کیوں نِندرءِچ نِیر نِکِل پَوندن میڈا ساہ کیوں میں توں ََکک لگدے

ونجاں کِن تے مَر مُختیار آخِر، اجاں پیار تیں تیکوں شَک لگدے

مختیار لغاری

غزل

تیݙا رشتہ سا ریں نال ہو ئے ، تیݙے رشتے سا رے میں ہو واں

تیݙی اکھ ہو واں ، تیݙے خواب ہو وا ں ، تیݙے نندر جگا رے میں ہوواں

تو ں واہدا دریا مستی دا ، تیݙی مرضی بھا نویں جنتے وہہ ،

تیݙی ہر بے چنتی موج کیتے بے انت کنارے میں ہوواں

تیݙی چا ننڑی لہہ آسمان کنوں ، گھر گھر وِچ سو جھلاکر ݙیوے

تو ں چَن ہو ویں ہر چو ݙی دا چو دھا رو ں تا رے میں ہو واں

پاجھا تیاں تا ر حویلیں تو ں ،تو ں کہیں دے نا ں دا سݙ ما ریں

جݙا ں لب چولیں مختیار آکھیں ، تیݙے شا ند اشا رے میں ہو وواں

غزل

میڈا چھوٹا جھیاں ھک کم کر ڈے

میڈیاں ڈوھیں اکھیں نم کر ڈے

تیڈو ول ول لجھدے دل میڈا

ایندا ایہو شوق ختم کر ڈے

تیکوں اپنڑی مونجھ دی دروہی ء

میکوں اپنڑی ذات ءچ ضم کر ڈے

سکھ سارے اپنڑے آپ ہنڈھا

میڈے نانویں اپنڑے غم کر ڈے

تیڈیاں گالھیں اللہ من گھندے

میڈے دل اچ درد ء دم کر ڈے

جی چھٹسی تیڈیں پیریں دا

میڈے ہتھ مختیار قلم کر ڈے.

شاعر سئیں مختیار لغاری(مرحوم)

عید

کوئ اینجھی عید توں یاد ڈیوا

جڈاں اکھ توں نیر نہ آئے ہوون

جئیں ڈینہہ تئیں جھنڑکیا نا ہووے

تیڈے کول فقیر نہ آئے ہوون

تیڈی اکھ تو گھن میڈی اکھ توڑیں

جڈاں چھٹ کے تیر نا آئے ہوون

جڈاں ڈکھ مختیار اسمان کنوں

میڈی بنڑ تقدیر نا آئے ہوون

شاعر:سئیں مختیار لغاری مرحوم