مختار کرم پوری
اصل ناں مہر مختار احمد
قلمی ناں مختار کرمپوری
ڄمݨ 1962ء
تعلیم میٹرک
پیشہ ریٹائر پولیس ملازم
فون نمبر 0300 5828118
جاہ پتہ چاہ بُٖڈھے والا ڈاکخانہ کرمپور تحصیل و ضلع وہاڑی
مختارؔ کرم پوری ضلع وہاڑی دے نامور بزرگ شاعر ہن چونکہ آپ محکمہ پولیس دے ریٹائر ملازم ہن ، آپ دے بقول پولیس سروس وچ تاں انہاں کوں کوئی کتاب چھپواوݨ دی فرصت ای نہیں ملی ۔ لیکن ایندے باوجود جو آپ دی کوئی کتاب منظرِ عام تے نہیں اَئی پر مختار کرمپوری دا ناں پورے سرائیکی وسیب دے ادبی حلقیں وچ ڄاتا سنڄاتا ویندے۔در حقیقت شاعر دی پہچاݨ اوندا کلام ہوندے ۔ماشاء اللہ مختار کرم پوری دا کلام ٻہوں خوبصورت تے جاندار ہے ۔نمونہ کلام پڑھ کے انصاف خود کریسو!
غزل
[لکھو | ماخذ وچ تبدیلی کرو]وفا دار اڄ بے وفا تھی ڳیا ہے
جگر میݙا زخمی ولا تھی ڳیا ہے
میں اُڄڑی جوانی دا کیا حال ݙیواں
میݙے نال یارو دغا تھی ڳیا ہے
میݙے ناز نخرے تے سبھے اداواں
او لُٹ پُٹ تے ظالم جدا تھی ڳیا ہے
جنہاں کوں او ݙہدا ہا نفرت دیاں نظراں
انہاں دا او اڄ دلربا تھی ڳیا ہے
اوندے سارے وعدے تاں مطلب تئیں ہن
ہتھیں میکوں مختار برباد کر کے
میݙا دل ہا کملا فدا تھی ڳیا ہے
ولا میں توں پُچھدے جو کیا تھی ڳیا ہے