Jump to content

محمد یوسف (ڳائیک)

وکیپیڈیا توں

اُستاد محمد یوسف (اردو: محمد یوسف (گلوکار)) (ڄَمَّݨ دی تَرِیخ: ١٤ جنوری، ١٩٤٠ء – فوت تِھیوݨ دی تَرِیخ: ١٤ فروری، ١٩٩٧ء) پاکستان نال تعلّق رکّھݨ آلے مہان٘درے کلاسیکی لوک ڳائیک ہَن۔

حیاتی دا احوال[لکھو | ماخذ وچ تبدیلی کرو]

اُستاد محمد یوسف ١٤ جنوری، ١٩٤٠ء کُوں حیدر آباد، سندھ، برطانوی ہند (اِیں ویلے دے پاکستان) وِچ ڄَمّے ہَن۔ اِنّھاں اَبّا سئیں اُستاد لونگ خان وی سندھ دے مہان٘درے لوک ڳائیک ہَن۔ اِنّھاں دے ٹَٻَّر وِچ کئی ٻئے مہان٘درے موسیقار وی ڄَمّے ہَن جِنّھاں وِچ اُستاد زوار بسنت دا ناں وݙّا ہئی۔ محمد یوسف نے موسیقی سِکھلائی گوالیار ٹَٻَّر دے مہان٘درے موسیقار اَتے لوک ڳائیک اُستاد اُمید علی خان اتے منظور علی خان (ڳائیک) تُوں حاصل کِیتی۔ اُوہ سندھی غزل اَتے کافی ڳاوݨ اُتّے ٻہوں مہان٘در رکھین٘دے ہَن۔ اُوہ شاہ عبداللطیف بھٹائی دے کلام کُوں خاص انداز وِچ ڳاوݨ دے حوالے نال مہان٘در رکھین٘دے ہَن۔[١]

اعزازات[لکھو | ماخذ وچ تبدیلی کرو]

حکومتِ پاکستان نے اُستاد محمد یوسف دی فنّی خدمتاں دا اعتراف کرین٘دے ہوئے اِنّھاں کُوں صدارتی تمغائے حسنِ کارکردگی پیش کِیتا۔[١][٢]

سئیں اُستاد محمد یوسف کُوں شاہ لطیف ایوارڈ وی ݙِتّا ڳیا۔

وفات[لکھو | ماخذ وچ تبدیلی کرو]

اُستاد محمد یوسف ١٤ فروری، ١٩٩٧ء کُوں کوٹری، ضلع دادو، پاکستان وِچ فوت تِھی ڳئے۔[١]

حوالہ جات[لکھو | ماخذ وچ تبدیلی کرو]

  1. ١.٠ ١.١ ١.٢ ص 794، پاکستان کرونیکل، عقیل عباس جعفری، ورثہ / فضلی سنز، کراچی، 2010ء
  2. "Archive copy". Archived from the original on 2020-09-18. Retrieved 2022-02-28.{{cite web}}: CS1 maint: archived copy as title (link)