محمد ممتاز ساجد
اصل ناں محمد ممتاز
تخلص ساجدؔ
ڄمݨ 1971ء
تعلیم ایف اے
پیشہ ریٹائر فوجی
فون نمبر 0300 5333289
جاہ پتہ تلّی تحصیل و ضلع خوشاب
غزل
[لکھو | ماخذ وچ تبدیلی کرو]تیݙی سنگتاں دا دھاڳہ کچیرا سڄݨ
رکھیں لوکاں دیوچ ماݨ میرا سڄݨ
میݙی سدھراں دی جھڳڑی ہے نکڑی جھئی
تیݙی شوخی دا بنگلہ اُچیرا سڄݨ
نال پلکاں دے خوش تھی ٻوہاری ݙیواں
ساݙے ویہڑے تاں آ پا توں پھیرا سڄݨ
اِتھے سکھ دی مسافت ہے نکڑی جھئی
پر ݙکھاں دا ہے پینڈا لمبیرا سڄݨ
او تاں مر کے وی دنیا تے جیندا ریہا
ہائی کردار جیندا اُچیرا سڄݨ
٭٭٭