محمد عمر بسطامی

محمد عمر بسطامی، پیر صوفی غلام سرور صدیقی نقشبندی دے پُتر ہن، جیڑھے کہ صوفی محمد دین چشتی صابری سراجی دے پوتڑے تے خواجہ صوفی نظام الدین قادری گرداسپوری دے پڑپوتڑے ہِن۔

والدین:

اوندے پیو ڈسکہ دی ہِک مشہور سماجی تے روحانی شخصیت ہِن، جنہیں کوں پیر صوفی غلام سرور صدیقی نقشبندی دے ناں توں ڄاݨا ویندا ہے، جیڑھے بسطامی مارکیٹ والے دے طور تے وی مشہور ہِن۔

تعارف:

صاحبزادہ محمد عمر بسطامی، خواجہ پیر صوفی غلام سرور صدیقی نقشبندی دے چوتھے پُتر ہِن تے صاحبزادہ پیر محمد عامر صدیقی السیفی دے چھوٹے بھرا ہِن۔ ابتدائی تعلیم ڈسکہ شہر وِچ حاصل کیتی۔ چھیویں کلاس وِچ محی الدین اسلامی اسکول نیریاں شریف وِچ داخلہ گِھدا تے اَٹھویں جماعت تئیں اُتھائیں پڑھدے رَہے، وَل ڈسکہ واپس آ گئے تے گورنمنٹ ہائی اسکول ڈسکہ توں میٹرک پاس کرݨ دے بعد پنجاب کالج گجرانوالہ توں فرسٹ ڈویژن وِچ ایف ایس سی پاس کیتی۔

اعلیٰ تعلیم:

ایف ایس سی دے بعد مزید تعلیم کیتے آسٹریلیا تشریف گھِن گئے تے آئی ٹی دی چار سالہ ڈگری حاصل کیتی تے روزگار دے سلسلے وِچ مصروف تھی گئے۔

ازدواجی زندگی:

گریجویشن دے بعد انہیں دے پیو نے انہیں دی شادی ہِک افغان قبیلے وِچ کیتی جیڑھے افغانستان توں ہجرت کر کے انڈیا آئے تے وَل آسٹریلیا شفٹ تھی گئے۔ انہیں دے کُجھ قریبی رشتے دار جیڑھے پشاور نال تعلق رکھدِن۔ انہیں دے پھوپا سسر سلسلہ سیفیہ وِچ پیر آخوند زادہ سیف الرحمن مبارک دے پشاور وِچ خلیفہ ہِن۔ انہیں دی زوجہ ایم ایس سی ہوݨ دے نال نال عالمہ فاضلہ وی ہِن تے انتہائی با پردہ خاتون ہِن۔

بیعت و خلافت:

اوہ حضور غوث الاعظم الشیخ عبد القادر الجیلانی رضی اللہ تعالیٰ عنہ دے دربار دے سجادہ نشین مفتی اعظم بغداد شیخ الحدیث الشیخ عفیف الدین الکیلانی الشافعی مدظلہ العالی دے بیعت ہِن تے اپݨے شیخ دے منظور نظر ہِن۔ اوہ اپݨے شیخ کامل دے زیر سایہ علم دین سکھݨ دے نال نال روحانی مدارج طے کر یندے ہِن۔