محمد علی بوگرہ

محمد علی بوگرہ پاکستان دا تریجھا وزیر اعظم ہا۔ محمد علی بوگرہ 19 اکتوبر 1909 کوں پریشال وچ پیدا تھیا ہا۔ من٘ڈھلی تعلیم کلکتہ کنوں حاصل کیتی ۔ 1937 وچ بن٘گال اسمبلی دا رکن منتخب تھیا۔ 1952 کنوں 1953 تئیں امریکہ وچ پاکستانی سفیر ریہا۔ 17 اپریل 1953 کنوں12 اگست 1955 تئیں وزیراعظم دے عہدے تے ریہا۔ 1955 کنوں 1959 تئیں امریکہ وچ پاکستان دا سفیر تعینات ریہا۔ 13 جون 1962 کنوں 23 جنوری 1963 تئیں پاکستان دا وزیر خارجہ ریہا۔ 23 جنوری 1963 کوں 54 سال دی عمر وچ فوت تھی ڳیا۔