محمد عظیم حاذق
اصل ناں محمد عظیم
تخلص حاذقؔ
جٖمݨ 1980ء
تعلیم ایم اے (انگلش) ایم ایڈ
پیشہ معلم
فون نمبر 0333 6180759
جاہ پتہ وستی کورائی ڈاکخانہ محمد پور تحصیل جام پور ضلع راجن پور
ع۔ ہیں جان سارے جہان دی توں تے ناز تیݙا اُٹھیندا پیا ہاں
ایں مصرعے دا خالق عظیم حاذقؔ ضلع راجن پور دا اُبھردا ہویا نوجوان شاعر ہے، سرائیکی شاعری دیاں تقریبََا ساریاں صنفاں لکھدے’’نسخہئِ حاذق‘‘دے ناں نال 128صفحیاں تے مشتمل آپ دا ہک شعری مجموعہ وی چھپ چکا ہے ،اپݨے استاد مہاندرے شاعر گدا حسین راولؔ دی راہنمائی وچ مشقِ سخن جاری ہے ۔عظیم حاذقؔ دے شعر و شاعری وچ ترقی کرݨ دے امکانات روشن ہن ،جے مشقِ سخن ایویں جاری رہی تاں عظیم حاذقؔ دا شمار ٻہوں جلد ضلع راجن پور دے نمائندہ شاعراں وچ تھیسی۔انشاء اللہ۔ نمونہ کلام حاضر ہے۔
(1)غزل
[لکھو | ماخذ وچ تبدیلی کرو]کئی مسئلہ من دے اندر تھی ڳیا ہے
ستم سک دا سمندر تھی ڳیا ہے
میݙے سنگ ہن در و دیوار مونجھے
میݙا گھر مونجھ دا گھر تھی ڳیا ہے
تیݙی چپ ایں پڑھائے پاک چہرہ
سبق او یاد ازبر تھی ڳیا ہے
کلہے دم وچ ایں پئے ڳئے شور یارو!
کہ چپ وی قہر دا شرتھی ڳیا ہے
ذرا حاذقؔ ہجر دے نیر روکو!
جو صحرا وی سمندر تھی ڳیا ہے
(2)غزل
[لکھو | ماخذ وچ تبدیلی کرو]پیار دے ݙو پل آندیں آندیں
عمراں ڳئی ڈھل آندیں آندیں
ویندا تاں پئیں شوق دی سیدھ اچ
ساہ لڳدن ول آندیں آندیں
کیچ کتھاں ہے ، کݙاں اَوسیں
مر ڳئے ہیں تھل آندیں آندیں
ہنجوں تر پن پِڑ پتݨاں توں
دیر نہ تھئی چھل آندیں آندیں
مٹ ڳیوں حاذقؔ پر نہ آیا
خان بروچل آندیں آندیں
؎ہیں آپ حاکم حقیر دا توں حقیر حاذقؔ اسیر تیݙا
جو زلف تیݙی دی قید دیوچ سکون دے نال جیندا پیا ہے
٭٭٭