محمد عبد اللہ گجراتی

محمد عبد اللہ گجراتی (1834-1921) سیال شریف دے روحانی پیشوا خواجہ شمس الدین سیالوی دے خاص خلیفہ ہن۔ انہاں دی پیدائش 1250ھ بمطابق 1834ء کوں موضع ہینہ ضلع جہلم وچ تھئی۔ انہاں دے والد مولانا صدر الدین ہن۔ محمد عبد اللہ گجراتی نے ٻلپݨ دے کجھ سال اپݨے نانا حافظ نور جی دے زیر سایہ گزارے۔ ساݙھے چار سال دی عمر وچ حافظ نور دین چک عمر دی خدمت وچ پیش کیتے ڳئے تے انہاں توں قرآن پاک یاد کیتا۔ بعد وچ علوم متداولہ دی تعلیم اپݨے والد توں حاصل کیتی۔ محبوب سبحانی خواجہ سید غلام حیدر علی شاہ جلالپوری نے محمد عبد اللہ کوں خواجہ شمس العارفین سیالوی توں بیعت کرایا۔ مجاہدے تے ریاضت دے بعد خرقہ خلافت حاصل کیتا۔ قادریہ، سہروردیہ تے نقشبندیہ سلاسل وچ وی انہاں کوں اجازت حاصل ہئی۔ علوم دی تکمیل دے بعد انہاں چک عمر وچ درس و تدریس دا سلسلہ شروع کیتا۔ ٻہوں سارے علما انہاں دے چشمہ فیض توں سیراب تھئے۔ علامہ اصغر علی روحی نے آکھیا ہئی کہ لاہور دی مساجد تے علما دی فہرست بݨائی تاں ادھے توں زیادہ مولانا شیخ محمد عبد اللہ دے شاگرد ثابت تھئے۔ انہاں دے مشہور شاگرداں وچ مولانا محمد عبد المالک، قاضی عطا محمد گجراتی تے مولانا نیاز احمد شامل ہن۔ آپ نغز گو تے قادر الکلام شاعر ہن تے تاریخ گوئی وچ وی مہارت رکھدے ہن۔ انہاں نے سینکڑاں تاریخاں رقم فرمائیاں۔ انہاں دیاں تصانیف وچ تاریخ الدیوان تے نشان شیخ شامل ہن۔ انہاں دا وصال 1340ھ بمطابق 1921ء کوں چک عمر وچ تھیا تے اتھائیں دفن کیتے ڳئے۔ انہاں دے ݙو پتر انہاں دی زندگی وچ ہی فوت تھی ڳئے ہن، ایں واسطے انہاں دے بھتریجے مولانا محمد سلام شائق اللہ انہاں دے جانشین بݨے۔ مولانا شیخ محمد عبد اللہ گجراتی بے نظیر فاضل تے مناظرہ وچ یکتائے روزگار ہن۔ امیر حبیب اللہ خان والی کابل تے مہاراجا بنیر سنگھ حاکم ریاست جموں و کشمیر انہاں دے مداحاں وچوں ہن۔ انہاں نے اپݨے پیسیاں نال ہک مسجد تے زیارت گاہ بݨوائی جتھاں نبی کریم صلی اللہ علیہ وآلہ وسلم دا موئے مبارک بصد ادب و احترام رکھا ڳیا۔ او سادات دا ٻہوں احترام کریندے ہن تے شریعت مطہرہ دے پابند ہن۔

تلامذہ

1. مولانا محمد عبد المالک ساکن کھوڑی مشیرمال ریاست بہاولپور
2. قاضی عطا محمد گجراتی تحصیلدار پنشنر
3. مولانا نیاز احمد ساکن نبوڑه
4. مولانا حکیم محی الدین قریشی ساکن دیالی
5. مولانا محمد عالم قریشی ساکن سرکڈھن ضلع جہلم
6. مولانا حافظ نور دین مفتی اپل سنت جلالپور جٹاں ضلع گجرات
7. مولانا نور احمد ساکن باگڑیانوالہ ضلع گجرات
8. سید بقا شاہ ساکن کیرانوالہ شہانہ ضلع گجرات
9. سید محمد انور شاہ ساکن گولیکی
10. سید فضل شاه چک عبد الخالق سیداں ضلع جہلم
11. مولانا نعمت اللہ صابری لالہ موسی
12. مولانا سردار شاہ سکن کوٹلہ سارنگ خان ضلع گجرات
13. منشی فضل حسین اجمل

تصانیف

1. تاریخ الدیوان
2. نشان شیخ

اولاد

1. مولانا محمد بقا (مولوی فضل)
2. حافظ محمد رضا