محمد عبدالغفور حیدری
محمد عبد الغفور حیدری 5 جون 1957ء کوں ضلع قلات وچ محمد عظیم دے گھر پیدا تھئے۔ انہاں دارالعلوم دارالہدیٰ، تھیڑی وچ ابتدائی دینی تعلیم حاصل کیتی۔ ایندے بعد اعلیٰ دینی تعلیم جامعہ مخزن العلوم خانپور اتے عالم فاضل دی سند دارالعلوم ٹنڈو الہ یار توں حاصل کیتی۔
طالب علمی دے دور دیاں سرگرمیاں
[لکھو | ماخذ وچ تبدیلی کرو]حیدری پڑھݨ دے دوران جے ٹی آئی بلوچستان دے صدر اتے مرکزی نائب صدر رہے۔ 1980 وچ جمعیت طلبۂ اسلام توں مستعفی تھی تے جمعیت علمائے اسلام وچ شامل تھئے۔ ایم آر ڈی دی تحریک دے دوران انہاں مچھ جیل وچ رکھیا ڳیا۔ ہک سال قید بامشقت اتے ݙاہ کوڑیاں دی سزا سݨائی ڳئی۔
سیاسی سرگرمیاں
[لکھو | ماخذ وچ تبدیلی کرو]1990 دے عام انتخابات وچ جمعیت علمائے اسلام دے ٹکٹ تے بلوچستان اسمبلی دے رکن منتخب تھئے۔ اوہ پارلیمانی قائد وی بݨے۔ تاج محمد جمالی دی قیادت وچ قائم تھیوݨ آلی صوبائی حکومت وچ جمعیت علمائے اسلام دی شمولیت دے بعد انہاں پبلک ہیلتھ انجینئری دے وزیر بݨایا ڳیا۔ ݙو سال بعد اتحادی جماعتاں وچ اختلافات پیدا تھئے۔ ایندے بعد حیدری نے جمالی دے خلاف تحریک عدم اعتماد پیش کیتی۔ بر سر اقتدار وزیر اعلیٰ نے قبل از وقت استعفیٰ ݙے ݙتا۔ ایندے بعد نواب ذوالفقار مگسی کوں وزیر اعلیٰ نامزد کیتا ڳیا۔ مولانا عبد الغفور حیدری نے انہاں دا مقابلہ کیتا اتے صرف ݙو ووٹاں نال ہریے۔ 1993 وچ این اے 204 (مستونگ) توں اوہ منتخب تھئے۔ حیدری نے سردار اختر مینگل کوں ہرایا۔ 1995 وچ جے یو آئی (ف) دے سیکریٹری جنرل منتخب تھئے۔ ایں منصب تے اوہ پنج واری منتخب تھئے اتے ہݨ وی فائز ہن۔ مئی 2009 وچ اوہ سینیٹر منتخب تھئے۔ 2013 دے انتخابات دے بعد ن لیگ اتے جے یو آئی (ف) نے رل تے حکومت بݨائی تاں وزیر مملکت برائے پوسٹل سروسز بݨائے ڳئے۔ ایں منصب تے اوہ 11 مارچ 2015 تائیں ہن۔
عالمی شہرت
[لکھو | ماخذ وچ تبدیلی کرو]1994ء وچ بے نظیر بھٹو دے ݙوجھے دور حکومت وچ اقوام متحدہ دے اجلاس وچ عبد الغفور حیدری نے عربی وچ تقریر کیتی ہئی۔ ایں تے اتھاں موجود عرب ممالک دے نمائندیاں نے ٻہوں تعریف کیتی ہئی۔