محمد طارق شاہد
اصل ناں محمد طارق
تخلص شاہدؔ
جٖمنْ 1983ء
تعلیم بی اے
پیشہ ملازمت
جاہ پتہ جلال پور موڑ سرائیکستان ہاؤس لودھراں
غزل
[لکھو | ماخذ وچ تبدیلی کرو]مل پیا جیکر کتھائیں بے وفا کوں آکھسوں
کیوں اساکوں بھل گٖیا ہئیں بے وفا کوں آکھسوں
یاد کر توں آہدا ہانویں میں کریساں سئیں وفا
کن گٖیاں تیڈٖیاں وفائیں بے وفا کوں آکھسوں
روگٖ لا کے توں اساں کوں تھی گٖیا ہیں کیوں جدا
ڈھول نہ کر نت جفائیں بے وفا کوں آکھسوں
یاد جو آندی ہے تیڈٖی دل توں ول لہندی وی نئیں
لا گٖیا ہیں دل کوں بھاہیں بے وفا کوں آکھسوں
بٖاجھ تیڈٖے کون ہے شاہد میڈٖا میکوں ڈٖسا
کیکوں ونجٖ ڈٖیواں میں دھائیں بے وفا کوں آکھسوں
٭٭٭