محمد شہباز زین
اصل ناں محمد شہباز
تخلص زینؔ
جمن 1992ء
فون نمبر 03464665890
جاہ پتہ چک نمبر 115ڈی این بی ،یزمان ضلع بہاولپور
غزل
[لکھو | ماخذ وچ تبدیلی کرو]وت سُتے زخماں کوں ڈھولا کیوں جگاون آگئیں
وت اوئیں ویسیں پیا کیوں رت رواون آگئیں
وت اوئیں زلفاں کھنڈا،بہہ سامنے نہ قتل کر
کیوں اساڈے دل اُتے چھُریاں چلاون آگئیں
گزرے ہوئے ویلے سجن وت یاد میکوں نہ ڈیوا
کیوں مگر بلدی اتے ول تیل پا ون آگئیں
پل دا پل خوشیاں دے چن میکوں نظارے نہ ڈکھا
خواب کوڑے زندگی دے وت ڈکھاون آگئیں
بے خبر دنیاں ہے میڈے ڈکھ بھریئے ایں حال توں
کیوں میڈی فرقت دا چن پردہ ہٹاون آگئیں
زینؔ ڈکھ دا بار چا جیندے تاں پئے ہاسے اتھاں
لگدے میڈی زندگی دے ڈینہ گھٹاون آگئیں