محمد سعید چشتی

اصل ناں      محمد سعید

تخلص         شیدا  

جمن           1955ء  

تعلیم          ۔۔۔۔۔

پیشہ           وفاقی محتسب 

فون نمبر        ۔۔۔۔۔۔

جاہ پتہ          اسلام آباد

محمد سعید چشتی (شیدا)صاحب ڈیرہ نواب صاحب اچ ڈوجنوری 1955ء کوں پیدا تھئے شاعری دا شوق غالباََ پڑھائی دے زمانے توں تھیا،سوہنی تے ستھری غزل لکھدن ،کلام دی اصلاح واسطے انہاں صوفی محمد سبطین شاہ جہانی کوں اپناں استاد چنیا ،پختہ شعور تے ہمت حوصلہ رکھن آلا شاعر ہے تے ڈوجھیاں کوں وی ہمت تے حوصلے دی تلقین کریندے ۔ایں حوالے نال آپ دی ہک غزل دا نمونہ ملاحظہ تھیوے!

(1)غزل

اساں مجبور کم ہمت جو آساں چھوڑ باہندے ہیں

او سچ آہدا کھڑے ایویں ارادے تروڑ باہندے ہیں

میڈے سکھ کوں توں رکھ سکڑیں ،پلتھی مار راضی تھی

توں نیڑے تھی توں نیڑے آ،تماشہ چھوڑ باہندے ہیں

روہیلے ہیں وڈائی کتھ دی ،فخر تے مان کئیں شئے دا؟

تہاڈا سر سلامت سئیں ،اساں ہتھ جوڑ باہندے ہیں

اناں دی بیڑی تر پووے ،انہاں دی جھوک وس پووے

ایویں قربان تھیندے ہیں تے سب کجھ بوڑ باہندے ہیں

اساڈا حوصلہ ڈیکھو تے ڈیکھو کم نصیبی وی

کہ ہر واری اساں شیدا ؔمقدر پھوڑ باہندے ہیں

__________________________

اکھیں دے جوڑ رشتے عمراں دے نال نبھدن

بھُلّا نی  بول  مٹھڑا میں  توں  قسم  چو ا گھن

جو لڑ لگے کہیں دے جو کہیں دے روگ ٹالے

کھاندا نی مول دھکڑے، میں توں قسم چوا گھن

برباد جھوکاں ڈھارے ،کھنڈراں دے روپ شیداؔ

مینہ ماڑ تے نی وُٹھڑا، میں توں قسم چوا گھن

(2)

رُنم نہ کوئی ݙکھڑا ، میں تُوں قسم چوا گھن

او خوامخواہ ہے رُٹھڑا میں توں قسم چوا گھن

میݙا سوہݨا سانول پاݨی تُوں تھی نہ پَتلا

ہک پَل نی سُکھ دا ݙٹھڑا میں تُوں قسم چوا ڳن

اَکھیں دے جوڑے رشتے عمراں دے نال نبھدن

بھلا نی ٻول مُٹھڑا ،میں توں قسم چوا گھن

جیڑھا لڑ لڳے کہیں دے جیڑھا کہیں دے روڳ پالے

کھاندا نی مُول او دھکڑا میں توں قسم چوا گھن

برباد جھوکاں ، ڈھارے ، کھنڈراں دے روپ شیداؔ

مینہ ماڑ تے نی وُٹھڑا میں توں قسم چوا گھن

(3)

ہر موڑ ، ہر جگہ تے وعدے بدلدلے ریہے

جتنے سالار ہَن او رسّتے بدلدلے ریہے

سیلاب دی تباہی ، بجا ، الامان ، پَر

کجھ دوست لُک لُکا تے ٻنّے بدلدلے ریہے

حاصل وصول کیا بس گھاٹے نصیب تھئے ہِن

زور آوراں دے آکھے ، بستے بدلدے ریہے

ہک بار زندگی دا ، تھکاوٹ سفر دی نِت

ویلے دا ایہ کمال نتیجے بدلدے ریہے

مضمون اوندے خاب دی تکمیل بݨدے ڳئے

اَکھیں دے سامݨے بس نقطے بدلدے ریہے

کیجھا ݙراکلا ہا منظر وسیب دا

شیداؔ وجود اپݨے چہرے بدلدلے ریہے

حوالہ

کتاب احمد پور شرقیہ اِچ سرائیکی غزل دی ٹور، مصنف : عبدالباسط بھٹی ، ناشر : جھوک پبلشرز ، ملتان