محمد سرور

چوہدری محمد سرور ہِک پاکستانی اَتے سابق برطانوی سیاستدان ہِن، جئیں 2013 توں 2015 تئیں اتے ول 2018 توں 2022 تئیں پن٘جاب دے اکتریویں اَتے تیتریویں گورنر دے طور تے خدمات سران٘جام ݙِتیاں۔ 2013 توں 2015 دے پہلے دور وچ انہاں پاکستان مسلم لیگ (ن) دی نمائن٘دگی کیتی۔ 2018 توں 2022 دے ݙوجھے دور وچ انہاں پاکستان تحریک انصاف دی نمائن٘دگی کیتی۔ او مارچ 2018 توں ستمبر 2018 تائیں سینیٹ آف پاکستان دے ممبر وی رہ ڳئے۔ 1997 توں 2010 تائیں چوہدری سرور برطانیہ دی پارلیمن٘ٹ دے ممبر ریہے اَتے گلاسگو، سکاٹ لین٘ڈ وچ ہِک حلقے دی نمائن٘دگی کرین٘دے ہَن۔ او سکاٹش لیبر پارٹی دے موجودہ رہنما انس سرور دے پیؤ ہِن۔ چوہدری سرور پیرمحل، پن٘جاب وچ ڄمے۔ 1976 وچ سکاٹ لینڈ چلے ڳئے۔ چوہدری سرور ہوراں 1997 توں 2010 تائیں گلاسگو سین٘ٹرل توں سکاٹش لیبر پارٹی دے رکن پارلیمن٘ٹ دے طور تے خدمات سر ان٘جام ݙِتیاں اَتے 2010 وچ برطانوی سیاست توں ریٹائر تھی ڳئے۔ چوہدری سرور جولائی 2013 وچ برطانوی شہریت چھوڑی اَتے پاکستان مسلم لیگ (ن) دی نمائن٘دگی کرین٘دے ہوئے گورنر پن٘جاب بݨ ڳئے۔ 29 جنوری 2015 کوں حکومت دی خارجہ پالیسی نال اختلاف کرݨ دے بعد انہاں اِیں عہدے توں استعفیٰ ݙے ݙتا۔ 10 فروری 2015 کوں انہاں پاکستان تحریک انصاف وچ شمولیت اختیار کر گھِدی۔

برطانوی سیاسی کیریئر چوہدری سرور گلاسگو سٹی کونسل دے 1992 دے انتخابات وچ حلقے توں کامیاب تھئے۔ چوہدری سرور 1997 دے عام انتخابات وچ گلاسگو گوون توں رکن پارلیمن٘ٹ منتخب تھئے، اَتے برطانیہ دے پہلے مسلمان رکن پارلیمن٘ٹ اَتے سکاٹش حلقے دی نمائن٘دگی کرݨ والے پہلے ایشیائی رکن پارلیمن٘ٹ بݨ ڳئے۔ او پہلے رکن پارلیمن٘ٹ ہَن جِنھاں 1978 دے اوتھس ایکٹ دے مطابق قرآن مجید تے حلف چاتا۔ چوہدری سرور کوں 1997 وچ انتخابی جرائم دے الزامات دے بعد لیبر پارٹی وچ عہدہ رکھݨ توں معطل کر ݙتا ڳیا۔

پاکستانی سیاسی کیریئر چوہدری سرور 2013 دے عام انتخابات وچ پاکستان وچ پاکستان مسلم لیگ (ن) دی حمایت وچ برطانیہ وچ کمپین کیتی اَتے فن٘ڈ کٹھے کیتے۔ 5 اگست 2013 کوں انہاں نے اکتریویں گورنر پن٘جاب دے طور تے حلف چاتا۔ گورنر دی حیثیت نال انہاں کئی موقعیاں تے حکومت تے تنقید کیتی۔ اوبامہ دے دورہ بھارت دے موقع تے انہاں اِیں کوں نواز شریف دی حکومت دی ناکامی قرار ݙتا۔ حکومت مخالف انہاں ریمارکس دے نتیجے وچ انہاں نے استعفیٰ ݙے ݙتا۔ چوہدری سرور 29 جنوری 2015 کوں گورنر پن٘جاب دے عہدے توں استعفیٰ ݙے ݙتا۔ 8 فروری 2015 کوں انہاں پاکستان تحریک انصاف (پی ٹی آئی) وچ شمولیت اختیار کر گھِدی۔ 3 مارچ 2018 کوں چوہدری سرور پن٘جاب توں سی٘یٹ دے انتخابات وچ کامیابی حاصل کیتی۔ 5 ستمبر 2018 کوں چوہدری سرور پاکستان تحریک انصاف دی پن٘جاب حکومت وچ تیتریویں گورنر پن٘جاب دے طور تے حلف چاتا۔ 3 اپریل 2022 کوں پن٘جاب وچ آئینی بحران دے دوران، چوہدری سرور کوں وفاقی حکومت گورنر پن٘جاب دے عہدے توں ہٹا ݙتا اَتے عمر سرفراز چیمہ کوں انہاں دی جگہ تے تعینات کر ݙتا۔

این٘دے بعد، پارٹی چھوڑ ݙتی تے ول انہاں پاکستان مسلم لیگ (ق) وچ شمولیت اختیار کیتی، اَتے جنوری 2024 وچ انہاں پاکستان پیپلز پارٹی وچ شمولیت اختیار کر گھِدی۔