محمد راشد بھٹی
ج: 1-4-1985
S/Oحاجی محمد رمضان بھٹی سکنہ وستی بھٹیاں موضع ٹٻی ڈھکواں ۔
اُستاد رفیق احمد پوری
غزل
کیا پُچھدے وے حال اساݙی وستی دے
بُکھے سُمدن ٻال اساݙی وستی دے
روندے ٻالیں کوں ٹھڳلاوݨ دے کیتے
کھڑکن سکھڑیں تھال اساݙی وستی دے
غربت توں زچ تھی تے خود کش تھی ڳئی ہے
حال آ ݙیکھ اَکھ نال اساݙی وستی دے
تئیں تاں ساݙے بھاݨ دی سرت سنبھالی نئیں
تسے مر ڳن مال اساݙی وستی دے
سُکھ دے ساہ دی تانگھ تنگھیندے مُس ڳئے ہوں
ہُݨ تاں ݙکھڑے ٹال اساݙی وستی دے
سُتے لوکیں کوں جڳواوݨ دے کیتے
ݙیندن بانگ بلال اساݙی وستی دے
پگاٖں لاتھن اَج وی تانگھ سفیلیں تے
سر چاوِن لڄپال اساݙی وستی دے
راشدؔ جھئیں وی جیکر وستی چھوڑ ونڄن
کون ٹلیسی کال اساݙی وستی دے
حوالہ
[لکھو | ماخذ وچ تبدیلی کرو]کتاب احمد پور شرقیہ اِچ سرائیکی غزل دی ٹور، مصنف : عبدالباسط بھٹی ، ناشر : جھوک پبلشرز ، ملتان