Jump to content

محمد خان جونیجو

وکیپیڈیا توں

محمد خان جونیجو پاکستان دا ݙاہواں وزیر اعظم ہا۔ محمد خان جونیجو 18 اگست 1932 کوں سن٘دھ دے علاقے سن٘دھڑی وچ پیدا تھیا ہا۔ محمد خان جونیجو ولایت کنوں زراعت دی تعلیم حاصل کیتی تے 21 سال دی عمر کنوں سیاسی پن٘دھ دا من٘ڈھ ٻدھا۔ 1962 وچ سان٘گھڑ کنوں پچادھی پاکستان دی اسمبلی دا رکن منتخب تھیا۔ 1963 وچ پچادھی پاکستان دا وزیر بݨیا۔ 1985 دے غیر جماعتی انتخابات وچ کامیابی حاصل کیتی اون٘دے بعد جنرل ضیاء الحق محمد خان جونیجو کوں وزیر اعظم نامزد کیتا۔ اوجڑی کیمپ واقعہ دے بعد جنرل ضیاء الحق اٹھویں ترمیم دے ذریعے جونیجو حکومت ختم کر ݙتی۔ محمد خان جونیجو 16 مارچ 1993 کوں 61 سال دی عمر وچ بالٹی مور وچ فوت تھی ڳیا۔