محمد امین عاشق

محمد امین عاشق سرائیگی شاعر ہے

کافی

بھل ہار سنگار ڳیوسے

جان ݙکھڑا نینہ لیوسے

نت پھردیاں میل کچیلی

سُنج بر وچ پھراں اکیلی

تھئی دشمن سنگ سہیلی

ایہا قسمت عشق ڈتوسے

بن یار آرام نہ آوے

جند سولاں وات سنہاوے

سب عشق قرار نہ بھاوے

ایہو درد فراق نبھیوسے

آ یار تے حال ونڈانواں

ٻہہ ݙکھڑے صاف سنانواں

کجھ درد کنوں سکھ پانواں

بن عاشق شان ونڄوسے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان