محمد الطاف حسین

ج:10-6-1978

محمد الطاف حسین S/Oرحیم بخش تخلص علی صادر وستی ماشکیاں دیرہ نواب صاحب

(1)

ایں میݙے من دا حبیب تُوں ہیں

تے وسدا دِلدے قریب توں ہیں

توں میݙے درداں دے قصّے سُݨ تے

لکھیندا ونڄیں ادیب توں ہیں

مریض عشق آں دوا عطا کر

جو میݙا حازق طبیب تُوں ہیں

میکوں عذابیں دے وات ݙے تے

کریندا گاٖلھیں عجیب تُوں ہیں

او پیار تیݙے کوں بُھل ڳیا ہے

جو علی صادرؔ غریب تُوں ہیں

(2)

کجھ تاں میݙے بارے سوچو

تُساں رَل تے سارے سوچو

روز دیاں دھاڑاں کوکاں سُݨدو

میݙے راج دُلارے سوچو

کئو تاں پوندی ہوسی کنئیں

کیندے ہِن ݙسکارے سوچو

سِر تے کھڑے چُپ نہ تھیوو

سُتڑی سیت ستارے سوچو

علی صادرؔ ناں نی گھندا

کوئی تاں میں کوں مارے سوچو

حوالہ

کتاب احمد پور شرقیہ اِچ سرائیکی غزل دی ٹور، مصنف : عبدالباسط بھٹی ، ناشر : جھوک پبلشرز ، ملتان