محمد اقبال عامر
اصل ناں محمد اقبال
تخلص عامرؔ
جٖمنْ 1964ء
تعلیم مڈل
جاہ پتہ دیرہ دوست محمد ،خانپور ضلع رحیم یار خان
محمد اقبال عامرؔ19فروری 1964ء کوںرسول بخش لاڑدے گھر پیدا تھئے مڈل تک تعلیم حا صل کیتی جڈٖاں جو 1990ء کنوں معروف شاعر امان اللہ ارشدؔ دی رہنمائی وچ با قاعدہ اپنْی شاعری داآغاز کیتا عامر صا حب سرائیکی شاعری دیاں تمام مروجہ اصنا ف اچ شاعری کیتی ہے آپدے کئی شعری مجموعے وی چھپ چکے ہن۔ اجٖکل عامر صاحب روز گا ردے سلسلے وچ کراچی رہندے پئین غزل دے حوالے نال بٖہوں ای سوہنْی غزل لکھدن ۔ نمونہ کلام پیش خدمت ہے ۔
(1)غزل
جتھوں گھا ٹانظر دا ہے او کم انجام کیوںڈٖیندے
[لکھو | ماخذ وچ تبدیلی کرو]ولااپنْے مقدرتے وداالزام کیوں ڈٖیندے
جیندے ہتھ وقت دیاں واگٖاں جیڑھا ڈٖینہ رات دا مالک
تیکوں سکھ دی صبح ، میکوں او غم دی شام کیوں ڈٖیندے
محبت بے ریا جذبہ ہے،اے جذبہ عبادت ہے
زمانہ پر وفاداریں کوں کر بدنام کیوں ڈٖیندے
او میخانے دا مالک ہے تے ساقی وی سخی لگٖدے
خبر نی جومیکوں ہر وار خالی جام کیوں ڈٖیندے
اوں خود آکھئے جو محنت کر میں محنت دا صلہ ڈٖیساں
ولا او کوششاں میڈٖیاں بنْا ناکام کیوں ڈٖیندے
جڈٖاں او کھل تے ملدا ہے میں پاگٖل تھی وینداں عامرؔ
میڈٖی اوقات توں ودھ او میکوں انعام کیوں ڈٖیندے
(2)غزل
[لکھو | ماخذ وچ تبدیلی کرو]تیکوں خوشیاں جو ہن توں ہنڈھا زندگی
ساکوں کیا دی خوشی ساڈٖی کیا زندگی
اے ستم ہے جو آہدا ہیں کلہیں نبھا
کلہیں نبھدی ہے ٖڈٖس ہاں بھلا زندگی
کھس کے خوشیاں تے نت دا چا روونْ ڈٖتی
ہُنْ تاں لگٖدی ہے میکوں سزا زندگی
میکوں تیڈٖی قسم ایویں ہردا نہ ہم
ہتھیں چھوڑی تئیں ساڈٖی مکا زندگی
توڑے برباد کیتا ہئی عامرؔ میکوں
وت وی ڈٖینداں میں تیکوں دعاء زندگی