محمد افضل میتلا
اصل ناں محمد افضل
قلمی ناں محمد افضلؔ میتلا
جٖمݨ 1950ء
جاہ پتہ کوٹلہ سکھاݨی غربی تحصیل و ضلع ڈیرہ غازی خان
غزل
[لکھو | ماخذ وچ تبدیلی کرو]سوہݨاں نہیں نظردا کوئی جناب وانگوں
کیجھاں حسیں بدن ہے کھلدے گلاب وانگوں
ݙسدن ثریا وانگوں مستک تیݙی دے جلوے
لاٹاں پیا مریندے رُخ مہتاب وانگوں
مکھڑا تیݙا ہے سوہݨاں چن چوݙویں دا جیویں
بوچھݨ کھڑا اُݙردے چِٹے صحاب وانگوں
جوبن دا ݙیکھ منظر عاشق بے ہوش تھیندن
اکھیں دی ݙیکھ مستی جامِ شراب وانگوں
تیکوں تاں یاد ہوسی ساوݨ دی رُت سہیلی
میکوں تاں گزریا ویلا لگٖدا ہے خواب وانگوں
جئیں ݙینہ دا ڈھول جانی افضلؔ کوں چھوڑ ݙتو
پھردا ودا ہے در در خانہ خراب وانگوں
٭٭٭