محمد اسلم بھوتانی

بلوچستان صوبائی اسمبلی دے سابق اسپیکر محمد اسلم بھوتانی ݙو اکتوبر 1960 کوں دريجى ضلع لسبیلہ بلوچستان وچ ڄمیے۔ انہاں نے 1982ء وچ جامعہ کراچی توں گریجویشن کیتا۔ انہاں کوں انگریزی، سندھی تے اردو زبانیں تے عبور حاصل ہے۔ انہاں نے پولیس، ایف آئی اے، امیگریشن تے اے این ایف وچ خدمات سر انجام ݙتیاں۔

بھوتانی خاندان اپݨے حلقے توں مسلسل ستویں دفعہ صوبائی اسمبلی وچ پہچ چکیے ہن۔ ایں توں پہلے انہاں دے وݙے بھرا سردار صالح محمد بھوتانی 1977ء توں 1999ء تک مسلسل 6 دفعہ صوبائی اسمبلی دے رکن منتخب تھئے۔

2002ء دے عام انتخابات وچ ایں حلقے توں اسلم بھوتانی بلوچستان صوبائی اسمبلی دے رکن منتخب تھئے تے 30 نومبر 2002ء توں 2008ء تک ڈپٹی اسپیکر دے فرائض سر انجام ݙیندے رہے۔ 2008ء دے انتخابات وچ ولا منتخب تھئے۔ حکومت سازی دے وقت مسلم لیگ (ق) وچ اختلافات دے بعد بلوچستان وچ ہم خیال گروپ بݨایا جنہاں دے اوہ پارلیمانی قائد ہن۔ 8 اپریل 2008 کوں بلا مقابلہ بلوچستان اسمبلی دے اسپیکر منتخب تھئے۔