متحدہ عرب امارات وِچ زنانیاں
ریاست دے قیام دے بعد توں حکومت نے متحدہ عرب امارات وِچ زنانیاں (اردو: متحدہ عرب امارات میں خواتین) (انگریزی: Women in the United Arab Emirates) دے اُمور اَتے مسائل دا وِچار رکّھݨ دا اَغاز کر ݙِتّا ہِے[١]۔ [٢]جنرل وویمنز یونین دا قیام ١٩٧٥ء وِچ عمل وِچ گِھن آیا ڳیا، متحدہ عرب امارات دے بانی شیخ زاید بن سلطان النہیان دی طرفُوں بھرپور حمایت اَتے حون٘صلہ ودھارا کِیتا ڳیا۔ زنانیاں دے کَم دی علمبردار شیخہ فاطمہ بنت مبارک نے بھرپور کوشِت کِیتی زنانیاں کوں اختیار آلا بݨاوݨ اَتے معاشرے وِچ اِنّھاں دے کردار کوں فعال کرݨ کِیتے اِنّھاں دا کردار سراہے ون٘ڄݨ دے قابل ہِے[٣]۔ اماراتی زنانیاں نے ٻہوں ساریاں کامیابیاں حاصل کِیتیاں ہِن۔ سیاسی سطح اُتے متحدہ عرب امارات دی حکومت وِچ زنانیاں سامھݨے آئیاں اَتے سبھ توں گَھٹ عُمر وزیر دی عُمر ٢٢ ورھیاں دی ہِے۔ اِین٘دے توں انج فیڈرل نیشنل کونسل دی سَت ممبران وِی موجود ہِن۔
تاریخ[لکھو | ماخذ وچ تبدیلی کرو]
ایمریٹس فیڈریشن دے قیام توں پہلاں زنانی ٻالاں دی پرورش، ݙیکھ بھال اَتے ٹَٻَّر آلی حیاتی وِچ اہم فیصلے کرݨ دی ذِمّے وار ہئی۔ اُوہ نوبل قرآن دی تعلیم ݙیوݨ دی ذِمّے وار ہئی۔ ٻہوں سارے کَمّاں توں انج وُݨائی، کڈھائی اَتے اناج دی گِھسائی کرݨ، زانوراں دی پرورش کرݨ، کُھوؤاں توں پاݨی گِھن آوݨ، بھوئیں کاشت کرݨ اَتے فصلاں کوں پاݨی ݙیوݨ، چٹائیاں، ٹوکریاں، قالین، خیمے اَتے بکسے بݨاوݨ جئیں کَم کرین٘دیاں ہَن۔ ماضی وِچ اَماراتی ٹَٻَّراں دی حیاتی اِنّھاں کَمّاں توں بغیر کائے ناں لنگھدی ہئی۔ بانی زید بن سلطان النہیان نے آکھیا: "متحدہ عرب امارات وِچ زنانیاں نے ٻہوں گھٹ مُد وِچ جیڑھا کُجھ حاصل کِیتا ہِے اِینْدے نال میکوں ٻہوں خوشی تِھین٘دی ہِے اَتے یقین ݙیوایا وین٘دا ہِے جو کُجھ اَساں کل لائیا ہئی اُوہ اَڄ پَھل آوݨ شروع تِھی ڳیا ہِے، اَتے اَساں خُدا دا شکر ادا کرین٘دے ہیں جو معاشرے وِچ زنانیاں / تِریمتیں دا کردار اُبھرݨ دا اَغاز تِھی ڳیا ہِے اَتے اِین٘دے وِچ جیڑھا کُجھ ہِے اُون٘دا احساس ہووݨ دا اَغاز وی تِھی ڳیا ہِے۔ اَساݙی موجودہ اَتے آوݨ آلیاں نسلاں کِیتے بہترین عمل ہِے۔
زنانیاں دی ڳِنتری[لکھو | ماخذ وچ تبدیلی کرو]
اماراتی زنانیاں ٢٠١٠ء وِچ مُلخ دے کُل شہریاں وِچُوں ٨٨٨،٤٦٨ ہَن۔ ہِک اندازے دے مطابق متحدہ عرب امارات وِچ زنانیاں دی ڳِنتری ٩.٩ ملین دی کُل اَبادی وِچوں ٣ ملین تئیں پُڄ ویسی۔ متحدہ عرب امارات وِچ زنانیاں کِیتے خواندگی دی شرح ٩١ فیصد ہِے، جیڑھی جو ٻہوں سارے عرب مُلخاں دے مقابلے وِچ گَھٹ ہِے۔