مایوس چھیڑو (شبیر لغاری)
اج شام کوں وستی دو ولدے مونجھے مال، مایوس چھیڑو تے سکے ونڑ اتے بیٹھی ساہکدی چیڑی کوں ڈیکھ کے میڈے اعصاب وی کریہہ دی انونڑ الی کالی رات دے خوف کیں شل تھی گئن۔ ڈینہہ لتھے تاں نماشاں کوں بر ملخیں دی لٹھ تے کھیڈدے معصوم بالیں کوں تھیونڑ الی رات دے اندھارے دے ڈر ولہیٹیے۔ سہمے ہوئے سہارا گھننڑ سانگے میڈو درکدے آئن، میں وی کریہہ دی کالی گھپ رات دے خوف کولو پگھرو پانڑیں ہم، انہیں کوں سینے نال لائم تے اپڑیں اندر دی مایوسی تے خوف کولو چھٹکارے کیتے معصوم بالیں دی دعا دی ٹیک گھدی اے۔۔۔روح کوں سکون ملیے، مایوسی گھٹی ہے۔۔
اللّہ پاک معصوم بالیں دیں دعائیں، پکھیں تے گنگدامیں دا صدقہ رحمت دی بارش ڈیسی۔۔ مکدے بدھرا اچ ساریں بھرانویں کیں رحمت دی بارش واسطے ڈھیر ساریں دعائیں دی درخواست۔۔
بدن کوں بھا کلہیپے دی اکھیں کوں خاب سانونڑ دے
اساکوں تس مریندی ہے طلب کوں شوق دھانونڑ دے