ماہم آفتاب

ماہم آفتاب تائیکوانڈو دی ہک بین الاقوامی کھلاڑی تے پاکستان دی تائیکوانڈو ٹیم دی سابقہ رُکن ہَن ۔ انّھاں نے قومی تے بین الاقوامی سطح تے پاکستان کِیتے متعدد تمغے جِتے۔ اوہ جوان عمری وچ برین ٹیومر دا شکار تھی ڳئیں تے اِیں جہان فانی توں رخصت تھی ڳئیں۔

پس منظر

انّھاں دا تعلق پاکستان دے صوبہ پنجاب دے شہر وہاڑی نال ہئی ۔

کَم کار آلی حیاتی

ماہم آفتاب نے انڈونیشیا وچ منعقدہ یوتھ اولمپکس وچ پاکستان دی نمائندگی کِیتی ۔ انّھاں نے اردن دے کنگ الحسن کپ وچ تائیکوانڈو چیمپئن شپ وچ طلائی تمغہ جِتیا ۔ 2008 وچ ماہم آفتاب نے ازمیر وچ ورلڈ چیمپیئن شپ وچ حصہ گِھدّا جِتھاں اوہ فائنل وچ پُڄ ڳئیں۔ فائنل وچ انّھاں کوں کروشیا دے اسٹیل سیمونک نے ہرا ݙِتّا۔ 2009 وچ انّھاں نے ایران دے کیش جزیرے وچ ایشین چیمپیئن شپ وچ حصہ گِھدّا ۔ 2010 وچ ماہم آفتاب نے سنگاپور وچ تھیوݨ والے یوتھ اولمپکس وچ حصہ گِھدّا تے 2014 وچ یوتھ اولمپکس وچ وی حصہ گِھدّا ۔ ماہم آفتاب نے 2015 وچ تائیکوانڈو چھوڑ ݙِتّا ۔ اوہ بین الاقوامی مقابلے وچ پاکستان کِیتے میڈل جِتݨ والی پہلی زنانی ایتھلیٹ بݨ ڳئیں۔ ماہم آفتاب نے پاک فوج دی نمائندگی وی کِیتی تے مسلسل ست سال تک قومی چیمپیئن رہیں ۔

فوتڳی

انّھاں کوں اپݨی وفات توں ݙو مہینے پہلے برین ٹیومر دی تشخیص تھئی ہئی ۔ اوہ 23 اکتوبر 2020 کوں اسلام آباد وچ انتقال کر ڳئیں ۔ اوہ اپݨی موت توں پہلے لاہور دے شوکت خانم اسپتال وچ زیر علاج ہَن پر انتقال توں پہلے اسپتال توں رخصت تھی ڳئی ہَن۔ انّھاں دی جوانی وچ موت تے کھیلاں دی برادری دے متعدد اراکین نے تعزیت دا اظہار کِیتا ۔ انّھاں کوں اپݨے آبائی شہر وہاڑی وچ سپردِ خاک کر ݙِتّا ڳیا ۔ اوہ اپݨے پیچھے سوگواران وچ ہک ݙو سالہ پُتر چھوڑ ڳئیں ۔