مالدیپ

مالدیپ بحر ہند وچ واقع جزائر تے مشتمل ہک ریاست ہے۔ ایہہ بھارت دے جزائر لکادیپ دے لمے وچ تے سری لنکا توں تقریباً 700 کلومیٹر پچادھ لمیں وچ واقع ہے۔ 26 مرجانی چٹانیں ہک خطے کوں تشکیل ݙیندیاں ہن جیڑھیاں 1192 چھوٹے جزائر تے مشتمل ہے جنہیں وچوں تقریباً 200 جزیرے ایہے ہن جنہیں تے انسانی آبادی موجود ہے۔ مالدیپ دا دارالحکومت مالے ہے جتھاں پورے ملک دی 80 فیصد آبادی رہندی ہے۔ اتھوں دے زیادہ تر لوک مسلمان ہن۔ مالدیپ آبادی دے لحاظ نال ایشیا دا سب توں چھوٹا ملک ہے۔ اسلام تقریباً تمام آبادی دا رسمی مذہب ہے جݙاں قومی تے عام زبان دیویہی ہے، جیڑھی ہند یورپی زبانیں نال تعلق رکھدی ہے تے سری لنکا دی زبان سنہالی نال ملدی ہے۔ سیاحت دے حوالے نال مالدیپ دنیا بھر وچ ممتاز مقام رکھدے۔ ملکی معیشت سیاحت دے علاوہ ماہی گیری تے انحصار کریندی ہے۔ مالدیپ دنیا دا سب توں سپاٹ ترین ملک ہے تے ایندی زیادہ توں زیادہ زمینی سطح صرف 2.3 میٹرہے۔