ماروی سرمد

ماروی سرمد‎
معلومات شخصیت
ڄَمّݨ دی تریخ تے جاء	جون 11, 1961 سیالکوٹ
شہریت	پاکستان
پئے دا ناں	سرمد منظور
عملی حیاتی
پیشہ	صحافی، انسانی حقوق دی کارکن
دور فعالیت	1990–تاحال
ویب سائٹ
ویب سائٹ	marvisirmed.com

ماروی سرمد (اردو: ماروی سرمد) (ڄَمّݨ دی تریخ: 11 جون 1961ء) ہِک پاکستانی زنانیاں دے حقوق دی حامی اَتے صحافی ہے۔ 1990ء وِچ بطورِ صحافی کَم شروع کِیتا۔ ماروی حدود آرڈیننس، قانون توہین رسالت وِچ ترمیم اَتے کاروکاری دے موضوع اُتے اَواز اُچّی کرین٘دی رہن٘دی ہِے۔ ایں کنوں ان٘ج ماروی مذہبی اَتے نسلی اقلیتاں دے حقوق ، پاکستان وِچ مبینہ طور تے ہندو اَتے مسیحی چھوہِرِیں دی جبری تبدیلی مذہب دے خلاف ڳالھ کرین٘دی ہِے۔ انّھاں دا خاص موضوع جنسی حراسانی، نفرت انگیز تقریراں، گھروڳا تشدد  ہِے۔ ماروی اُتے کئی واری نا کام قاتلانہ حملہ تھی چُکیا ہِے۔

ذاتی حیاتی

ماروی سرمد دی پیدائش 11 جون 1961ء وِچ ہِک کسان ٹٻّر وِچ تھئی۔ انّھاں دے پِیؤ، چودھری انوار الحق بیورو کریٹ ہَن جہڑے ڈائریکٹر جنرل دے عہدے کنوں 2003ء وِچ ریٹارڈ تھئے۔ انّھاں اُتے مالی بد عنوانی دے کئی الزام ہَن۔ ݙاݙا چودھری عبد الرحمان بہاولپور، پنجاب دے ہِک کسان پیشہ ہَن۔ انّھاں دے وݙکیاں کوں ریاست بہاولپور دے  نواب نے بنجر زمین قابلِ کاشت بݨاوݨ کِیتے سَݙّیا ہَئی۔ انّھاں دے ٹٻّر دا کُجھ حصہ پنجاب اَتے سندھ اَتے باقی جالندھر وِچ موجود ہَئی، جہڑیلے پاکستان بݨیا۔

سرمد دے ݙُو بِھرا ہِن، جہڑے ماروی کنوں وَکھ سیاسی نظریات رکھین٘دے ہِن۔ امّاں ابّا ݙُون٘ہیں ریٹائرڈ تھی چُکے ہِن اَتے بیمار رہن٘دے ہِن۔

انّھاں دی شادی 3 مئی 1997ء وِچ صحافی منظور سرمد نال تھئی ہئی۔ ایں ویلے سرمد ہِک فری لانسر صحافی ہے۔

ٻاہرلے جوڑ

• باضابطہ ویب گاہ