مارسیلو میلپیگی
مارسیلو میلپیگی
[لکھو | ماخذ وچ تبدیلی کرو]مارسیلو میلپیگی (1628-1694) ، اٹلی دے ماہر تشریح تے ماہر حیاتیات (بائیولوجسٹ) ہن ، جنہاں اخراجی نظام نال جڑی طبیعیاتی خصوصیات بیان کیتیاں ۔ انہاں دا جنم 1628 وچ اٹلی دے شہر کریوالکورے وچ تھیا ۔ انہاں دی تعلیم بولونیا یونیورسٹی وچ تھئی ، جتھوں انہاں طب تے فلسفے دی ڈگری حاصل کیتی ۔
انہاں مائیکروسکوپ دی مدد نال حیاتیات دے میدان وچ اہم دریافتاں کیتیاں ۔ انہاں پودیاں تے جانوراں دے جسمانی بݨتر دا تفصیلی مطالعہ کیتا ۔ انہاں پھیپھڑیاں ، گردیاں ، تے جلد دی بݨتر بارے اہم معلومات فراہم کیتیاں ۔
میلپیگی گردیاں دے اندر موجود چھوٹے چھوٹے فلٹرنگ یونٹس ، جنہاں کوں "میلپیگھیئن کارپسکلز" وی آکھیا ویندے ، دی دریافت کیتی ۔ انہاں ایہ وی بیان کیتا کہ گردیاں خون کوں صاف کریندن تے فضلے کوں پیشاب دی صورت وچ خارج کریندن ۔ انہاں دی ایں دریافت نال اخراجی نظام دی سمجھ وچ وݙا وادھا تھیا ۔
انہاں پودیاں دیاں پتیاں وچ موجود چھوٹے چھوٹے سوراخاں (سٹومیٹا) دی وی دریافت کیتی ، جنہاں دے ذریعے پودے گیساں دا تبادلہ کریندن ۔ انہاں کیڑے مکوڑیاں دے جسمانی بݨتر تے انہاں دے تنفسی نظام بارے وی پرکھ پرچول کیتی ۔ انہاں ریشم دے کیڑے دے غدوداں دی وی تفصیلی وضاحت کیتی ۔
میلپیگی دی تحقیق حیاتیات دے میدان وچ انقلاب برپا کر ݙتا ۔ انہاں مائیکروسکوپ دے استعمال نال او راز کھولئے جیڑھے پہلے پوشیدہ ہن ۔ انہاں دی لکھتاں تے تحقیق اڄ وی حیاتیات دے طالب علماں تے محققین واسطے اہم ہن ۔