مادہ بچہ کشی
مادہ بچہ کشی نوزائیدہ مادہ بچیں دے دانستہ قتل دا ناں ہے۔ ایویں دیساں جیہڑے جیں مادہ بچہ کشی دی اپݨی نمایاں تاریخ ہے، اُتّھ جنسی چُنڑݨ تے مبنی اسقاط حمل کوں ہک جُڑیا ہویا موضوع ہووݨ دی وجہ نال بحث دا موضوع بݨایا ویندا ہے۔ مادہ نو زائیدہ کشی کئی دیساں وچ ہک بحث دا موضوع بݨ ڳئی ہے۔ اِیں وچ چین، بھارت تے پاکستان شامل ہن۔ ایہ دعویٰ کیتا ڳیا ہے جو اِیں معاشریاں وچ عورتاں کوں ݙتا ڳیا حقیر درجا مادہ بچیں کوں معاشرے وچ قبول کرݨ وچ رکاوٹ ہے۔
بھارت وچ مادہ بچہ کشی
[لکھو | ماخذ وچ تبدیلی کرو]بھارت دے معاشرے وچ عورتاں دی حالت سُدھارݨ تے جنسی تناسب وچ توازن قائم کرݨ دے مد نظر لوک سبھا وچ ہک تاریخی تجویز متعارف کرائی ڳئی ہئی۔ اِیں وچ مادہ بچہ کشی کوں غیر ضمانتی جرم بݨاوݨ دی وکالت کیتی ڳئی ہے۔ 2014ء وچ حکمران کانگریس دے ادھیر رنجن چودھری دی جانب توں پیش کردہ اِیں تجویز کوں جیہنوں ‘‘کُنیا شِشو ہتیا نوارن ودھییک 2014ء’’ یا مادہ بچہ کشی قانون 2014ء دے مقاصد وچ آکھیا ڳیا ہے جو لڑکی دا جنم اڄ وی غریب ٹَٻَّراں دے نزدیک بوجھ سمجھا ویندا ہے۔ اِیں دے نتیجے وچ دیس وچ اِیں تجویز دے قانونی طور تے لاڳو تھیوݨ دے بعد مادہ بچہ کشی دے معاملات وچ کئی گُݨا وادھا تھی ڳیا ہے۔ قانون وچ آکھیا ڳیا ہے جو اِیہ صحیح وقت ہے جݙݨ اِیں بزدلانہ فعل کوں ختم کر ݙتا ونجݨاں چاہیدا ہے۔ پر کہیں سخت قانون دی کمی وچ اِیں قبیح رسم تے روک لاوݨ ٻہوں اوکھا ہے۔
اِیں وجہ توں اِیہ تجویز ݙتی ڳئی ہے جو ہک ایسا قانون گھِن آیا ونجے جیہڑا اِیں جرم وچ ملوث لوکاں کیتے سخت سزا دی گنجائش رکھے۔ قانون دی دفعات وچ آکھیا ڳیا ہے جو جے لڑکی دی موت دی ابتدائی تحقیق دے بعد کوئی شخص مادہ بچہ کشی دا مرتکب پایا ویندے تاں اونکوں فوری طور تے حراست وچ گھِدا ونجݨاں چاہیدا ہے۔
اِیں جرم کوں غیر ضمانتی جرم بݨاوݨ دے نال نال مجرماں کیتے ݙہ سال قید تے ہک لکھ روپے جرمانے دی سزا دا امکان رکھیا ڳیا ہے۔ اِیں دے نال ایہ وی آکھیا ڳیا ہے جو ایویں معاملات وچ مادہ بچہ کشی دی چانج تے عدالت وچ رپورٹ جمع کراوݨ دا کم لڑکی دی موت دی تاریخ توں ترے مہینے دے اندر پورا کر ݙتا ونجݨاں چاہیدا ہے۔[١]
چین وچ مادہ بچہ کشی
[لکھو | ماخذ وچ تبدیلی کرو]چین وچ مادہ بچہ کشی دا مسئلہ ہک سنگین نوعیت دا ہے۔ 1980ء دے ݙہاکے وچ ہر 100 لڑکیاں دے مقابلے 108 لڑکے ہن۔ 2000ء دی آمد دے نال اِیندے نال جُڑیا ہویا ݙہاکا اِیں تناسب کوں ٻیا وی بگاڑ ݙتا۔ اِیہ تناسب ہر 124 لڑکے کیتے 100 لڑکیاں تہہ گیا ہئی۔ 2010ء دیاں کجھ اطلاعات دے مطابق چین دے کجھ صوبیاں وچ اِیہ تناسب اِیترا بگڑ ڳیا ہئی جو ہر 130 لڑکے دے مقابلے صرف 100 لڑکیاں ریہ ڳئین ہن۔
1979ء وچ شروع تھئی سرکاری پالیسی وچ آبادی تے کنٹرول دے کئی اقدامات نافذ کیتے ڳئے۔ اِیں وچ ہک توں زائد اولاد دی صورت وچ جرمانے، جبری تولیدی صلاحیت دا خاتمہ تے اسقاط حمل شامل ہن۔ اِیں دے نتیجے وچ کئی ٹَٻَّر جیہڑے لڑکے کوں ترجیح ݙیندے ہن، اپݨیں ئی ڌیئیاں دے قاتل بݨ ڳئے۔ تاہم چین نے کئی مثبت قوانین وی متعارف کروائے، جیویں جو جنین دے جنس دی تشخیص کرݨ والی ٹیکنالوجی کوں غیر قانونی قرار ݙتا ڳیا۔
1997ء وچ ہک امریکی رضاکار نے اپݨے ڈراؤݨے تجربے کوں بیان کیتا ہئی جو کین٘ویں اُون٘دے گوانگژو دے ہک یتیم خانے دے سامھݨے کئی بچیں دیاں مُردہ لاشاں کوں لاوارث حالت وچ ݙٹھا ہئی۔ اِیں وچوں کجھ کوں گشتی کوڑے داناں وچ سٹیا ویندا پیا ہئی تے کجھ کوں تاں وݙے عوامی کوڑے دے ڈھیراں تے سٹ ݙتا ڳیا ہئی جیہڑے بعد وچ بلدیہ دے کوڑا صاف کرݨ والیاں نے ہٹا ݙتے ہن۔[٢]