مادھوری دکشت

مادھوری دکشت
(ہندی : माधुरी दीक्षित)
معلومات شخصیت
پیدائشی ناں	(مجارستانی : Mádhuri Sankar Díkszit)
ڄم	15 مئی 1967ء (58 سال)  ممبئی
شہریت	بھارت
تعداد اولاد	2
عملی زندگی
پیشہ	فلم اداکارہ
پیشہ ورانہ زبان	ہندی
اعزازات
فنون میں پدم شری   (2008)
	IMDB پر صفحہ

مادھوری دکشت ج اپݨے ازدواجی ناں مادھوری دکشت نینے نال وی جاݨی ویندی ہے، ہک بھارتی اداکارہ، پروڈیوسر تے ٹیلی ویژن شخصیت ہن۔ مادھوری 1980ء، 1990ء دے ݙہاکے دے آخر تے 2000ء دی ݙہاکے دے شروع وچ بھارتی فلم انڈسٹری دی صف اول دی مشہور تے سب توں زیادہ معاوضہ گھنݨ آلیاں اداکاراواں وچوں ہن۔ انہاں کوں انہاں دی اداکاری تے رقص دی صلاحیتاں دے باعث بے حد سراہیا ویندا رہیا ہے۔ مادھوری نے اپݨے فنی سفر دے دوران وچ کئی اعزازات حاصل کیتے، جنہاں وچ 2008ء دے 6 فلم فیئر ایوارڈز وی شامل ہن۔ بھارتی سرکار نے انہاں کوں ریاست دے چوتھے وݙے سول اعزاز "پدما شری" نال نوازیا۔

مادھوری نے 1984ء وچ اپݨے اداکاری کیریئر دا آغاز فلم "ابودھ" نال کیتا، پر انہاں کوں حقیقی شہرت 1988ء دی ایکشن رومانوی فلم "تیزاب" نال ملی۔ ایں فلم دے بعد اوہ بالی ووڈ دیاں وݙیاں فلم کمپنیاں دیاں فلماں وچ مرکزی کردار ادا کرݨ لڳ پئین۔

ابتدائی زندگی

مادھوری 15 مئی 1967ء کوں ممبئی، مہاراشٹر وچ ہک مراٹھی برہمن خاندان وچ پیدا تھئی۔ انہاں دے پیو دا ناں شنکر دکشت تے ماء دا ناں سنہلتا دکشت ہے۔ مادھوری دے ݙو وݙے بھرا تے ہک وݙی بھیݨ ہے۔

مادھوری کوں ترائے سال دی عمر توں ہی رقص نال ڳھاٹالڳاؤ ہئی۔ اوہ 8 سال تک کتھک رقص سکھدی رہین تے ہک عرصے دی محنت دے بعد اوہ ہک ماہر کتھک رقاصہ بݨ ڳئین۔ مادھوری دا آکھݨا ہے جو رقص نے انہاں کوں کامیابی تے اہمیت دا احساس ݙتے۔

انہاں نے ممبئی دے ڈیوائن چائلڈ ہائی اسکول توں تعلیم حاصل کیتی۔ تعلیم دے نال نال اوہ غیر نصابی سرگرمیاں جیویں جو ڈراما وچ وی حصہ ڳھندی رہین۔ انہاں نے بی ایس سی وچ مائیکروبائیولوجی دا مضمون پڑھیا، پر 6 مہینے بعد انہاں نے پڑھائی چھوڑ کے فلمی کیریئر بݨاوݨ دا فیصلہ کیتا۔

کیریئر

مادھوری نے اپݨی پہلی فلم 1984ء وچ "ابودھ" نال کیتی، جیندے وچ انہاں دے مقابل بنگالی اداکار تپس پال ہن۔ ایں فلم دے بعد اوہ بالی ووڈ دیاں وݙیاں فلماں وچ مرکزی کردار ادا کرݨ لڳ پئین تے اپݨی اداکاری تے رقص دی صلاحیتاں دے باعث مشہور تھئین۔

مادھوری دکشت ہک انجھی اداکارہ ہن جنہاں نے اپݨے فن تے محنت دے بل بوتے تے بھارتی سنیما وچ ہک نمایاں مقام حاصل کیتا ہے۔