ماتی ڈیوپ

ماتی ڈیوپ
(فرانسیسی میں: Mati Diop)
معلومات شخصیت
پیدائشی نام	(فرانسیسی میں: Mati Clémentine Diop)
پیدائش	22 جون 1982ء (43 سال)  پیرس کابارہواں اراؤنڈڈسمنٹ
شہریت	فرانس
عملی زندگی
پیشہ	ادکارہ ،  فلمی ہدایت کارہ ،  منظر نویس
مادری زبان	فرانسیسی
پیشہ ورانہ زبان	فرانسیسی
دستخط
	IMDB پر صفحہ

ماتی ڈیوپ (ڄَمَّݨ: 22 جون 1982ء) ہک فرانسیسی زنانی فلم ڈائریکٹر تے اداکارہ ہَن۔ انّھاں نے 2019ء دے کانز فلم فیسٹیول وِچ اپݨی پہلی فیچر فلم، مافوق الفطرت رومانوی ڈراما اٹلانٹکس تے 2024ء برلن انٹرنیشنل فلم فیسٹیول وِچ گولڈن بیئر اپݨی ݙوجھی فیچر فلم ڈاکومنٹری ڈاہومی کِیتے گراں پری جِتیا۔ ہک اداکارہ دے طور تے اوہ ڈراما فلم 35 شاٹس آف رم (2008ء) وِچ اپݨی اداکاری کِیتے مشہور ہَن۔

ابتدائی زندگی

ڈیوپ پیرس، فرانس وِچ ڄَمّی ہَن تے اوہ سینیگال دے ممتاز ڈیوپ ٹَٻَّر دی رکن ہَن۔ انّھاں دے پیو واس ڈیوپ، ہک سینیگالی موسیقار ہَن تے انّھاں دی ماں کرسٹین بروسارڈ آرٹ خریدار تے فوٹوگرافر ہَن۔ اوہ سینیگال دے ممتاز فلمساز جبریل ڈیوپ ممبیٹی دی بھیݨ ہَن۔ اپݨے ٻالپݨ دے دوران اوہ اڳوں پِچھوں فرانس تے سینیگال دے درمیان سفر کریندی رہندی ہَن، ہک بین الاقوامی پہچان بݨیندی ہَن۔

تعلیم

ڈیوپ نے فرانس دے لی فریسنائے نیشنل اسٹوڈیو آف کنٹیمپریری آرٹ وِچ ایڈوانسڈ ڈگری پروگرام وِچ تربیت گِھدّی، تے اپݨے تجرباتی آرٹسٹ اسٹوڈیو اسپیس لی پاویلون وِچ پیلیس ڈی ٹوکیو وِچ وی پڑھائی کِیتی۔

کیرئیر

ڈیوپ 2014ء توں 2015ء تئیں ریڈکلف انسٹی ٹیوٹ فار ایڈوانسڈ سٹڈی وِچ فیلو ہَن۔ انسٹی ٹیوٹ دے سلیکٹیو فلم اسٹڈی سینٹر فیلوشپ پروگرام دا حصہ تھیوݨ دے دوران، انّھاں نے اپݨی پہلی فیچر فلم فائر، نیکسٹ ٹائم کِیتے اسکرپٹ لِکّھا۔ بعد وِچ انّھاں نے ایں فلم دا ناں تبدیل کر ݙِتّا جیڑھا ہُݨ انّھاں دی ڈائریکشن والی فیچر فلم ڈیبیو، اٹلانٹکس (2019ء) دے ناں نال ڄاتا ویندے۔

ہدایت کاری

ڈیوپ نے 2004ء وِچ اپݨی مختصر فلم لاسٹ نائٹ (2004ء) نال ہدایت کاری وِچ قدم رکھیا۔ انّھاں دی مختصر فلم اٹلانٹک (2009ء) نے روٹرڈیم انٹرنیشنل فلم فیسٹیول دا ٹائیگر ایوارڈ برائے مختصر فلم تے 2009ء وِچ اپݨی پہلی شمالی امریکی نمائش دے دوران میڈیا سٹی فلم فیسٹیول وِچ ہک اعلیٰ انعام جِتیا ہئی۔

اداکاری

ڈیوپ نے کلیئر ڈینس دی فلم 35 شاٹس آف رم (2008ء) وِچ اپݨی اداکاری دا آغاز کِیتا، اپݨے پیو دے نال قریبی رشتے وِچ ہک نوجوان زنانی دا مرکزی کردار ادا کِیتا، جیڑھا شادی کِیتے تیار تھیوݨ تے اونکوں چھوڑݨ وِچ دشواری دا سامݨا کریندا ہئی۔ انّھاں نے فلم وِچ اپݨے کردار کِیتے Lumières ایوارڈ برائے بہترین اداکارہ کِیتے نامزدگی حاصل کِیتی۔ 2012ء وِچ اوہ فلم سائمن کلر وِچ نظر آئیاں تے اسکرپٹ دے پِچھوں دی کہانی دا سہرا وی انّھاں کوں ݙتا ڳیا۔ ڈیوپ فلماں تے ٹیلی ویژن وِچ وقفے وقفے نال اداکاری کریندی رہندی ہَن۔

آرٹسٹری تے تھیمز

اٹلانٹکس (2019ء) تئیں ڈیوپ دے کم تے اپݨے مضمون وِچ لنڈسے ٹرنر دا آکھݨ ہئی جو ڈیوپ دا کم اڳوں وڳوں شمالی افریقہ تے یورپ دے سلسلے وِچ ٹرانس نیشنلزم، امیگریشن، زنانیاں دے تجربے تے مابعد نوآبادیات نال تعلق رکھیندے۔ اٹلانٹکس تے کم شروع کرݨ کِیتے، انّھاں نے اپݨے افریقی ورثے نال دوبارہ رابطہ قائم کرݨ کِیتے سینیگال دا سفر شروع کِیتا۔ اوہ آکھیندیاں جو انّھاں کوں انّھاں سفراں وِچ تے اپݨی فرانسیسی-سینیگالی ہائفینیٹڈ پہچان وِچ اپݨی آواز مِلی۔ میٹل میگزین دے نال ہک انٹرویو وِچ، ڈیوپ نے وضاحت کِیتی جو اوہ فرانسیسی تے افریقی ثقافتاں دی متضاد "حساسیت" دی وجہ نال اپݨی فلم دے سینما تے شاعرانہ پہلوئاں کوں مختلف نقطہ نظر نال نمٹیندیاں ہَن۔