لیڈی گاگا

لیڈی گاگا
(انگریزی میں: Stefani Joanne Angelina Germanotta)
معلومات شخصیت
پیدائشی نام	(انگریزی میں: Stefani Joanne Angelina Germanotta)
پیدائش	28 مارچ 1986ء (39 سال)
رہائش	لاس اینجلس (2008–) یونکرس، نیو یارک مینہیٹن مالیبو
شہریت	ریاستہائے متحدہ امریکا
نسل	اطالوی امریکی
استعمال ہاتھ	بایاں
مذہب	مسیحیت
جماعت	ڈیموکریٹک پارٹی
عارضہ	ریشہ دار عضلاتی درد
ساتھی	ٹیلر کنی (جولا‎ئی 2011–جولا‎ئی 2016)
عملی زندگی
مادر علمی	ٹیش اسکول آف دی آرٹس لی اسٹریسبرگ ٹھیٹر اینڈ فلم انسٹی ٹیوٹ
تخصص تعلیم	موسیقی
پیشہ	گلو کارہ ،  نغمہ نگار ،  فعالیت پسند ،  فلم اداکارہ ،  ٹیلی ویژن اداکارہ ،  صوتی اداکارہ ،  انسان دوست ،  گلو کارہ - گیت نگارہ ،  نغمہ ساز ،  [[:فلمی ہدایت کار|فلمی ہدایت کارہ]] ،  ٹیلی ویژن ہدایت کار
مادری زبان	انگریزی
پیشہ ورانہ زبان	انگریزی ،  فرانسیسی ،  جرمن
شعبۂ عمل	پاپ موسیقی ،  اداکاری
مؤثر شخصیات	ڈیوڈ بوئی ،  کوئین ،  میڈونا ،  مائیکل جیکسن ،  گلیم راک ،  وٹنی ہیوسٹن ،  پرنس ،  سنڈی لاپر ،  بیٹلز
اعزازات
گریمی ایوارڈ برائے عمدہ رقص ریکارڈنگ (برائے:Poker Face ) (2010)
نامزدگیاں
آسکر اعزاز برائے بہترین اداکارہ   (2019)
دستخط
ویب سائٹ
ویب سائٹ	باضابطہ ویب سائٹ
	IMDB پر صفحہ

سٹیفنی جوئَین اَینجلِینا جرمانوٹا (انگریزی: Stefani Joanne Angelina Germanotta) (پیدائش: 28 مارچ 1986)، جیڑھی لیڈی گاگا (Lady Gaga) دے ناں نال مشہور ہئی، ہک امریکی گلوکارہ، گیتکارہ، موسیقار تے ریکارڈ ساز ہَن۔ ایہ ناں انّھاں نے راک بینڈ کوئین دے 'ریڈیو گاگا' ناں دے گانے توں حاصل کیتا۔ سن 2008ء وچ، انّھاں نے ہک 'دی فیم' ناں دا البم ریلیز کیتا تے بعد وچ ٻئے ݙو البم ریلیز کیتے، 'دی فیم مانسٹر' تے 'بورن دِس وے'۔ انّھاں نے مختلف گریمی تے برِٹ اوارڈ جتیے ہَن۔ انّھاں دی موسیقی ڈیوِڈ بوئی، مائیکل جیکسن، میڈونا تے کوئین توں متاثر ہئی تے اوہ اپݨی فیشن، کارکردگی تے میوزک وڈیو دے رنگارنگ تے بھڑکیلا طرز کِیتے معروف ہَن۔ انّھاں دا موسیقی وچ کم دے علاوہ، اوہ رقاص، فعالیت پسند، تاجر، فَیشن ڈزائنر، اداکارہ تے انسان دوست وی ہَن۔ اوہ اکثر متبادل جنسیت (ایل جی بی ٹی) دے معاملات وچ حمایت کریندی ہَن تے ہم جنس حقوق کِیتے آواز بلند کریندی ہَن۔

ابتدائی حیاتی

لیڈی گاگا نیو یارک سٹی وچ 28 مارچ 1986 کوں پیدا تھئی، جوزف جرمانوٹا، ہک انٹرنیٹ تاجر، ارو سِنتھیا دی سبھ توں وݙی دِیہڑی۔ چار دی عمر تے پیانو سکھݨا شروع کیتا، پیانو تے اپݨا پہلا گانا تیرہ دی عمر تے لکھا تے چودہ دی عمر تے سٹیج تے کارکردگی ادا کرݨا شروع کیتا۔ یارہاں دی عمر تے، کانوینٹ آف دی سیکرڈ ہارٹ، ہک نجی رومن کیتھولک اسکول وچ داخل تھئیں، جیڑھا مین ہٹن دی اوپری مشرق جانب تے واقع ہئی، پر انّھاں نے اکثر آکھیا ہئی جو انّھاں دا خاندان امیر کائنی ہئی، اوہ آہدیاں ہَن جو "میرے والدین دا تعلق نچلے طبقے نال ہئی، ایں سانگے اساکوں سبھ کجھ کَماؤݨ کِیتے محنت کرݨی پئی۔ میری ماں صبح دے آٹھ بجے توں رات دے آٹھ بجے تک ٹیلی کام وچ کم کریندی ہئی تے میرے پیو نے وی ایویں ہی کیتا۔" ہائی اسکول وچ اداکارہ بݨین تے مرکزی کردار ادا کیتے، جیویں جو 'گائز اینڈ ڈالز' وچ اَیڈلیڈ دا کردار تے 'اے فنی تِھنگ ہَیپنڈ آن دی وے ٹو دی فورَم' وچ فِلیا دا کردار۔ گاگا نے آکھیا ہئی جو انّھاں دی مکتبی حیاتی "بہت وقف، بہت مطالعہ دوست، بہت با نظم و ضبط" ہئی، پر ایندے علاوہ "بے خود اعتماد" وی، جیویں جو انّھاں نے ہک واری انٹرویُو وچ ݙسیا ہئی، "میں ݙوجھیاں توں کافی الڳ ہَم تے میں محسوس کریندا ہَم جو میں بہت انوکھی آں۔"

ستارہاں دی عمر تے، لیڈی گاگا جلدی ہی نیُو یارک یُونورسٹی دے ٹِش اسکول آف دی آرٹس وچ داخل تھئیں تے یارہویں سٹریٹ تے یونورسٹی دی چھاترالی وچ رہیں۔ اتھاں انّھاں نے موسیقی پڑھا تے اپݨی گیتکاری دی بہتری کِیتے فنون، مذہب، سماجی مسائل تے سیاست دے بارے وچ مضمون لکھے۔ گاگا نے محسوس کیتا جو اپݨے ہم جماعتاں توں اوہ زیدہ تر تخلیقی ہَن۔ "جݙاں توں تساں فن دے بارے وچ سوچݨا سکھ گھنو، اپݨے آپ کوں ہی پڑھا سڳدے او۔" انّھاں نے آکھیا۔ اپݨا سوفومور سال دے ݙوجھے سمیسٹر دے اختتام، انّھاں نے اپݨی موسیقی تے غور کرݨ کِیتے اسکول چھوڑ ݙتا۔ انّھاں دے پیو نے انّھاں دا ہک سال دا کرایہ ادا کرݨا منظور کر گھدا، جے اوہ منظور کرے جو اوہ واپس اسکول ویسی جے اوہ ناکام تھی ویسی۔ "میں اپݨا پورا گھرانہ چھوڑ ݙتا، سبھ توں سستا اپارٹمنٹ رہݨ کِیتے ڳولیا تے ہک سال کِیتے گند ہی کھادا جے تک کوئی میکوں نہ سُݨے۔" انّھاں نے ݙسیا ہئی جو پندرہ دی عمر توں انّھاں کوں عدم اشتہا (بُلِیمیا) تے جوع البقرہ (اَینوریکسیا) تھی ڳیا ہئی۔