لیڈی جین گرے

لیڈی جین گرے دا قتل

لیڈی جین گرے (Lady Jane Grey) جینکوں نو ݙینہہ دی ملکہ وی آکھیا ویندا ہے ہک انگریزی معزز تریمت ہئی اتے جولائی 10 توں 19 جولائی 1553 تک انگلستان دی فی الحقیقت حکمران ہئی۔ اینکوں بعد وچ سزائے موت ݙے ݙتی ڳئی۔ او ہنری ہفتم دی پڑپوتی ہئی۔ لیڈی جین گرے نے بہترین انسانی تعلیم حاصل کیتی اتے ایں دی ساکھ اپݨے دور دی نوجوان خواتین وچ سب توں زیادہ تعلیم یافتہ تریمت دے طور تے ہئی۔ بعد از مرگ اینکوں نہ صرف ہک سیاسی شکار دے طور تے ڄاݨا ڳیا بلکہ ہک شہید دا رتبہ وی ݙتا ڳیا۔ لیڈی جین گرے اتے لارڈ گلڈ فورڈ ڈیڈلی ݙونہاں تے غداری دا الزام عائد کیتا ڳیا۔ ہک خصوصی کمیشن نے مقدمے دی سماعت 13 نومبر 1553 کوں کیتی۔ اتے حسب امید تمام مدعا علیہان کوں مجرم پایا ڳیا اتے سزائے موت سݨائی ڳئی۔ ملکہ جین گرے دی سزا اے ہئی کہ اینکوں ٹاور ہل تے زندہ جلا ݙتا ویسی یا سر قلم کر ݙتا ویسی جیویں وی ملکہ چاہے۔