لیلا خان

لیلا خان (اردو: لیلا خان، کنوں) ہِک پاکستانی پاپ گائیکہ ہِے لیلا خان نے گائیکہ دا اَغاز 2014ء کنوں پشتوڳاوݨیں "زہ لیلایمہ" دے نال کِیتا۔ لیلا خان نے اردو، پشتو، فارسی اَتے عربی ٻولیاں وِچ آپݨی اَواز دا جادو جڳایا اَتے لوکاں وِچ ݙاڈھی شہرت حاصل کِیتی اَتے 2015ء وِچ لیلا خان نے پی ایس ایل دی کرکٹ ٹیم پشاور زلمی کِیتے ڳاوݨاں گایا اَتے شہرت دیاں بلندیاں تئیں پُڄّی۔

حیاتی دا احوال

مئی 2016ء وِچ دی ایکسپریس ٹریبیون دے مطابق: لیلا خان دی موسیقی آلی حیاتی دا اَغاز 2013ء وِچ تِھیا ہَئی۔ اُون٘دےزیادہ تر ڳاوݨیں پشتو ٻولی وِچ ہِن۔ ہُݨ تئیں اُون٘دے کَم دا ہِک وݙا حِصّہ لیٹون پروڈکشن دے نال ریہا ہِے۔ انّھاں دا پہلا ڳاوݨاں "زہ لیلایما" ہَئی۔ انّھاں نے پشتو سینما انڈسٹری وِچ وی کَم کِیتا ہِے جیکوں پولی ووڈ وی آکھیا وین٘دا ہِے۔ 2016 وِچ لیلا خان ٻئے معروف عالمی گائیکاں دے نال، تیونس وِچ کارکردگی نال انّھاں دا مقصد ہَئی: "عسکریت پسنداں دی بغاوت نال بری طرح متاثر علاقے وِچ امن کوں فروغ ݙیوݨاں ہَئی جہڑا پنڄ ورھیں پہلاں شروع تِھیا ہَئی۔