لہور

لہور پاکستان دا ہک تاریخی تے ثقافتی شہر ہے، جیڑھا صوبہ پنجاب دا دارالحکومت وی ہے۔ اینکوں "پاکستان دا دل" وی آکھیا ویندے۔ لہور اپݨی تاریخی عمارتیں، باغات، کھاوݨ پیوݨ تے زندہ دل لوکیں دی وجہ توں پوری دنیا وچ مشہور ہے۔

تاریخ دے حوالے نال ݙیکھیا ون٘ڄے تاں لہور دی تاریخ ٻہوں پراݨی ہے۔ اے شہر کئی حکومتیں دا مرکز ریہے۔ محمود غزنوی توں گھن کے مغل سلطنت تے ول انگریزیں تک، ہر دور وچ لہور دی اہمیت رہی ہے۔ خاص طور تے مغل دور وچ لہور نے ٻہوں ترقی کیتی تے ایں دور دیاں کئی شاندار عمارتاں اڄ وی موجود ہن۔

لہور دیاں مشہور جاہیں وچ بادشاہی مسجد، لاہور قلعہ، شالیمار باغ، واہگہ بارڈر، مینار پاکستان تے عجائب گھر شامل ہن۔ اے جاہیں سیاحواں کیتے خاص کشش رکھیندیاں ہن۔

کھاوݨ پیوݨ دے شوقین لوکیں کیتے لہور جنت توں گھٹ نئیں۔ اتھو دے روایتی کھاوݨے، جیویں کہ پاوے، نہاری، لسی، تے مختلف قسم دے کباب پوری دنیا وچ مشہور ہن۔ فوڈ سٹریٹ تے اندرون شہر دیاں تنگ گلیاں وچ وی مزیدار کھاوݨے مل ویندن۔

لہور دے لوک ٻہوں مہمان نواز تے زندہ دل ہوندن۔ تھو دی ثقافت تے روایات ٻہوں امیر ہن۔ مختلف تہوار، میلے تے ثقافتی پروگرام پورے سال جاری رہندے ہن جنہیں وچ لوک ودھ چڑھ کے حصہ گھندے ہن۔