لڑکپن دیاں کہاݨیاں

ایہ کہاݨیاں چھی سال توں پندرہ سال دے ٻالاں کیتے ہن ۔انہاں وچ جدوجہد کرݨ دا سبق ملدے اَتے خواباں تے خیالاں دی عملی تعبیر ڳولݨ کیتے کوشش کرݨ دے رستے ݙسائے ویندن ۔ جذبات و احساسات ‘ دوستی تے دشمنی دے جذبات انتہا تئیں مِلدن ۔ کہاݨیاں کوں دلچسپ کرݨ سانگے انہاں وچ مزاحیہ انداز ورتیا ویندے ۔ وَل مافوق الفطرت عناصر دا استعمال کر تے انہاں وچ تجسس کوں ٻیا وی ودھایا ویندے ۔ خیروشر دی ٹکر ݙکھائی ویندی ہے تے آخر وچ خیر دی قوت کوں فتح تھیندی ہے ۔ انہاں کہاݨیاں وچ اساݙے وسیب دے موسم ‘ کلچر ‘ رسماں ‘ ریتاں اَتے انسانیں دا آپس وچ اُنس تے پیار بیان کیتا ویندے ۔ انہاں کہاݨیاں دے ذریعے انہاں دیاں معلومات ودھائیاں ویندن ۔ عملی تے اخلاقی تربیت کیتی ویندی ہے اَتے انہاں وچ ہمت و جرأت پیدا کرݨ دی کوشش کیتی ویندی ہے ۔

حوالہ

سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان