لُٹݨ آلے تے لُٹاوݨ آلے

عباس سیال اپݨی کتاب ’’دیرہ مکھ سرائیکستان‘‘ اِچ تقسیم توں پہلے دیرہ اسماعیل خان اِچ رہݨ آلے سیٹھ جیٹھا رام بھاٹیہ دے بارے لکھئے جو بھاٹیہ جی 1875ء اِچ دیرے اِچ پیدا تھیا۔ وݙا تھی تے وݙا تاجر بݨیا۔ اُوں 1915ء 25000دی لاگت نال دیرے دے ٻالاں سانگے سکول بݨوایا۔ 1921کوں 5000روپے ݙتے۔ 1936ء اچ 50,000دی لاگت نال دیرہ اسماعیل خان وچ ہسپتال بݨوایا۔ عباس سیال اپݨی کتاب وچ بھاٹیہ جی دے نال نال اتھاں رہݨ آلے سیٹھ بگائی، ٹھاکردت، بالو رام ، ڈاکٹر دیال، ڈاکٹر جگن ناتھ پیلانی دے نال نواب اللہ نواز خان سدوزئی تے نواب امان اللہ خان دا ذکر وی وݙی محبت نال کیتے، ہُݨ سوال اے ہے اڄ جیرھے لوک دیرے ٹانک تے قابض اِن انہاں کول مݙیاں وی موٹیاں ہن افغان رپھڑ دی وجہ توں انہاں کول ارباں کھرباں آئن، انہاں انساناں سانگے کیا کیتے؟

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء