لوک قصیاں وچ تجسس

تجسس ہک ایجھا عنصر ہے جیڑھا کہیں وی قصے دی جان ہوندے ۔ قصے کیتے ایندی اہمیت ٻئی وی ڈھیر ودھ ویندی ہے کیوںجو ایندا تعلق سُݨݨ سُݨاوݨ نال ہوندے ۔ جیکراہیں قصے وچ ایہ عنصر نہ پاتا ونڄے تاں سُݨݨ آلے بندے  ایندے وچ دلچسپی نہ گھنسن تے اوں کنوں بے چسے تھیسن ۔ قصے وچ سُݨݨ آلیاں کوں اڳلے واقعات دی ہر ویلے ٹوہ رہندی ہے ۔ بے قراری جو ’’ول کیا تھیا‘‘ دا عنصر ہک کامیاب تے چسولے قصے دی نشانی ہوندے۔

حوالہ

سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان