لولوہ بنت عبدالعزیز
لولوہ بنت عبد العزیز آل سعود (1928 - 17 ستمبر 2008) آل سعود دی رکن اتے شاہ عبدالعزیز اتے حصہ بنت احمد السدیری دی دھی ہئی۔[٢]
ابتدائی زندگی
[لکھو | ماخذ وچ تبدیلی کرو]لولوہ بنت عبد العزیز 1928 وچ ڄمی ۔ اوندے ماء پیو شاہ عبد العزیز اتے حصہ بنت احمد السدیری ہَن۔ اوہ سدیری سبعہ دی بھیݨ ہئی۔[٣]
ذاتی زندگی
[لکھو | ماخذ وچ تبدیلی کرو]شہزادی لولوہ دی شادی اوندے ݙوجھے سوتر فیصل بن ترکی بن عبد اللہ بن سعود آل سعود نال تھئی ہئی، جیڑھے 19ویں صدی دے سعودی حکمران سعود بن فیصل بن ترکی دی اولاد وچوں ہَن، جیڑھے شہزادی لولوہ دے ݙاݙے عبدالرحمٰن بن فیصل دے بھرا ہن۔ شہزادی لولوہ اتے شہزادہ فیصل دے اٹھ ٻال ہن جنہاں وچ عبد اللہ بن فیصل سمیت پنج پُتر اتے ترائے دھیریں ہن۔[٤]
لولوہ دی دھی عبیر سعود بن نایف دی ذال ہے۔ اوندی ݙوجھی دھی الجوارہ دی شادی سلطان بن فہد نال تھئی ہے اتے ہک ٻئی، نوف، عبدالرحمن بن عبداللہ الفیصل دی ذال ہے۔ لولوہ دے پُتر محمد بن فیصل وزارت خارجہ وچ مشیر ہَن۔ ݙوجھا پُتر سلطان ہوابازی دا افسر اتے تاجر ہا۔ لولوہ دے بھرا شہزادہ سلمان بن عبدالعزیز (بعد وچ شاہ سلمان) دے پُتر شہزادہ احمد دی نماز جنازہ وچ شرکت کیتے جدہ توں ریاض ویندے ہوئیں اوہ 23 جولائی 2002 کوں 41 سال دی عمر وچ ہک کار حادثے وچ فوت تھی ڳیا۔ شہزادی لولوہ دے پُتر خالد کوں اکتوبر 2015 وچ اردن وچ سعودی عرب دا سفیر نامزد کیتا ڳیا۔
موت اتے میراث
[لکھو | ماخذ وچ تبدیلی کرو]شہزادی لولوہ 17 ستمبر 2008 کوں 80 سال دی عمر وچ انتقال کر ڳئی۔ اوندی نماز جنازہ اوندے مترائے بھرا شاہ عبداللہ نے شاہی خاندان دے کئی وݙے ارکان اتے سعودی شہریاں دی شرکت نال پڑھائی اتے ستمبر 2008 کوں مکہ دی وݙی مسجد، مسجد الحرام وچ ادا کیتی ڳئی۔ اوندے حقیقی بھراواں وچوں ہک، ولی عہد شہزادہ سلطان نے 18 اتے 19 ستمبر 2008 کوں جدہ دے الخالدیہ ضلع وچ اوندے محل تے اوندی موت ا تے تعزیت وصول کیتی۔[٥]
2015 وچ سعودی چیمبر دی کونسل وچ تریمتیں دی کمیٹی نے ٹٻر ، کاروبار اتے نینگراں رہنماواں دے شعبیاں وچ کامیاب تریمتیں دی شناخت کیتے شہزادی لولوہ بنت عبد العزیز اعزاز دا آغاز کیتا۔[٦]
حوالہ جات
[لکھو | ماخذ وچ تبدیلی کرو]- ↑ http://www.spa.gov.sa/English/details.php?id=591029
- ↑ "Luluwah bint Abdulaziz Al Saud" (بزبان Arabic)۔ Owl apps۔ اصل سے آرکائیو شدہ بتاریخ 2023-11-25۔ اخذ شدہ بتاریخ 2021-03-09
{{حوالہ ویب}}: اسلوب حوالہ 1 کا انتظام: ناموزوں یوآرایل (link) - ↑ Karen Hedwig Backman (16 جون 2012)۔ "Born of Hassa bint Ahmad Al Sudairi"۔ Daily Kos۔ اخذ شدہ بتاریخ 2012-10-24
- ↑ "حفيد الملك المؤسس سفيراً لخادم الحرمين بالأردن الأمير خالد بن فيصل آل سعود يستعد لاستلام مهام عمله الجديد المزيد على دنيا الوطن"۔ Al Watan۔ 21 اکتوبر 2015۔ اخذ شدہ بتاریخ 2020-09-24
- ↑ "CSC's Women Department Organizes 1st Women Investors Meeting, Honors Winners of Princess Lolowah Award"۔ Targeted News Agency۔ Riyadh۔ 18 نومبر 2015۔ اخذ شدہ بتاریخ 2021-05-19
- ↑ "Crown Prince receives condolences on the death of Princess Luluwah bint Abdulaziz"۔ Sauress۔ 18 ستمبر 2008۔ اخذ شدہ بتاریخ 2012-05-05