لودھی

لودھی افغان قبیلہ (پشتو: لودی/لودیان) ہک افغان/پشتون خاندان ہے جیہڑا افغان/پشتون نسلیت نال تعلق رکھدا ہے اتے پشتو ٻولݨ آلے ہن، لودھیوں نے ہندوستان تے حکومت کیتی۔ اتے دہلی سلطنت ایں دی اہم شاخ ہئی جینکوں لودھی سلطنت دے ناں توں یاد کیتا ویندا ہے۔

لودھی افغان/پٹھان قبیلہ ہے جیندے تعلق قیس عبد الرشید دے وݙے پتر بیٹن نال ہے، جیندیاں مزید شاخاں، بلچ، نیازی، سوری، مروت، لوہانی، دولت خیل اتے ترین دی شکل وچ موجود ہن۔ بیٹنی افغاناں وچ سب توں پہلے جیں شخص نے شہرت حاصل کیتی او لودھی ہئی۔ اگرچہ اے ترائے بھرا ہن، وݙا بھرا خلجی (غلزئی) اوندے بعد لودھی اتے ول نیازی، لودھی چونکہ اپݨے وطن غور وچ رہندے ہن لیکن گھوڑیاں دی تجارت انہاں کوں ہندوستان ڳھن آئی خود ابراہیم لودھی (لودھی سلاطنت دا بانی) گھوڑیاں دی ہی تجارت کریندے ہن، انہاں دے حوالے نال ہک واقعہ مشہور ہے کہ سر ہند دے مقام تے جݙݨ او اپݨے دوستاں دے نال گھوڑیاں دی تجارت وچ مشغول ہن تاں ایں دوران ہک فقیر بزرگ نعرے مریندا ہویا اتھاں تے پہنچا اتے آکھݨ لڳا کہ اگر کوئی دہلی دے تخت کوں خریدݨ چاہندا ہے تاں میں اتنی قیمت تے اونکوں ݙیوݨ کیتے تیار ہاں اتے بہلول لودھی جیہڑے ابراہیم لودھی دے پتر ہن نے اوں فقیر دے نال دہلی دے تخت دا سودا کر ڳھدا۔

ٻیا ݙیکھو

• لودھی سلطنت
• بہلول لودھی
• سرک